منتدى حرب التتار

السلآم عليكم ورحمة الله وبركاته ،،، وبعد ..

عزيزنا الزآئر نرجو منك التسجيل بالمنتدى ،،،

شكرًا ،،

اي مشآكل تواجهك تفضل بمراسلة صآحب الموقع على الايميل التآلي ~:-

Aalwaleed-@hotmail.com

مع تمنياتنا لكم بالتوفيق :: فريق ادآرة المنتدى ..~/

منتدى حرب التتار يرحب بگم ، منتدى لكل الاعمار والفئات لاتذهب قبل ان تتأكد

مهم للاعضآء الذين لم تصلهم رسآئل التفعيل والزوار الذين يريدون التسجيل. تفعيل الاعضاء يوميا

المواضيع الأخيرة

» طريقة لزيادة عدد الجنووود في السيرفرات السريعة بس
الثلاثاء أغسطس 25, 2015 6:50 pm من طرف n1200

» ثغرة جديدة
الثلاثاء أغسطس 25, 2015 6:48 pm من طرف n1200

» شرح ثغرة v2v
الخميس أغسطس 20, 2015 6:58 pm من طرف جالدك

» سكربت ترافيان كلاسيك بس على حرب التتار
السبت يوليو 25, 2015 2:58 am من طرف العقرب

» إلحقوووووووووو
الجمعة يوليو 17, 2015 1:31 am من طرف hammou999

» سيرفر حلوووووووووو
الجمعة يوليو 17, 2015 1:30 am من طرف hammou999

» سيرفر حلوووووووووو
الجمعة يوليو 17, 2015 1:28 am من طرف hammou999

» http://mtatar.com/ts8/register.php?ref=136
الأحد أبريل 26, 2015 5:43 am من طرف alhooo7k

» http://trvianz.com/tx4/register.php?ref=7
الثلاثاء أبريل 21, 2015 11:29 pm من طرف alhooo7k

» http://mtatar.com/ts7/register.php?ref=78
الإثنين أبريل 20, 2015 6:24 am من طرف alhooo7k


    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ11

    شاطر
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ11

    مُساهمة من طرف ALSFAH في الإثنين يوليو 16, 2012 10:16 am















    <blockquote class="postcontent restore ">
    السلام عليكم ورحمه الله وبركاته
    نعود من جديد لنلتقي معكم في أحداث قصتنا وماتحمله من مفاجاءت في طياته
    وفي حيات أبطالها كما تابعنا معكم في الاجزاء الماضيه اخر التطورات التي
    حصلت بالنسبه لكل من ماجد وعبد الله وسلوى وشهد وريم واختفاء هديل مؤقت عن
    احداث القصه وهذا ماسنعرفه من خلال الجزء هذا ان شاء الله
    والان اتركم لتتابعوا بقيه القصه مع هذا الجزء على امل ان ينال على رضائكم واجد التعليق منكم
    الجزء الحادي عشر
    بعد الاحداث السابقه اللي حصلت خلال الاسبوع الماضي كان مابقي على الدراسه
    الا اسبوع واحد وتبداء وانشغلت كل اسره بالاعمال اللي تخصها فكانت اسره ابو
    ناصر وافقت مبدائي على اللي تقدموا لشهد وسلوى وفعلا تم تحديد موعد للملكه
    وهو بالنسبه لسلوى في منتصف شهر ثمانيه اما بالنسبه للزواج فبيكون في
    خامس عيد الفطر اما بالنسبه لشهد تم تحديد الملكه انها بتكون باخر رمضان
    وزواجها بيكون في عطله الحج مثل ماهي اشترطت . اما بالنسبه لعائله ابو ماجد
    فماجد من بعد الحوار اللي دار بينه وبين عبد الله ذاك اليوم في المزرعه حس
    بانهم هم كبير انزاح عنه وبدا يركز بعمله واتفق هو وعبد الله على انه بعد
    ملكه شهد وقبل زواج سلوى يتقدموا للبنات بحيث انه يحاولوا قدر المستطاع
    تكون الملكه في شهر الحج حتى يكون للبنات وقت كافي للتجهيز للزواج ولكل
    العائله يوم يكون بالعطله الصيفيه .
    اما بالنسبه لناصر وساره فكانت حياتهم مستقره مليء بالحب والتفاهم اللي كان يحيط عليهم من قبل الزواج والتخطيط لحاياتهم المستقبليه .
    اما العنود وسلطان فكان كل منهم ينتظر المولد الجديد بفارغ الصبر و**** تم التعديل من قبل Adminود
    اللي ارهقها الاجاهد اللي حصل خلال الاسابيع الماضيه مما اثر عليها سلبيا
    لذلك طلبت منها طبيبتها الخاصه انها ترتاح قدر الامكان وتخفف من الاجهاد .

    اما بالنسبه لعائله ابو سلطان فكانت ريم ماتدري عن شيء من الاتفاق اللي
    دار بين عبد الله وماجد لكنها كانت تحاول تستغل اخر اسبوع من الاجازه احسن
    استغلال اما عبد الله فقرر انه يفاتح امه بموضوع اللي اتفق هو وماجد عليه
    وبالفعل كان هذا الحدث يوم الثلاثاء اخرأسبوع من الاجازه كان عبد الله يعرف
    انه امه وابوه دائما بعد صلاه المغرب يجلسوا يتقهوا ويتحاوروا فماشاف وقت
    انسب من كذا ونزل للصاله ...
    </blockquote>




















    <blockquote class="postcontent restore ">
    (في الصاله )

    عبد الله : السلام عليكم ورحمه الله وبركاته هلا بتاج راسنا ودهن العود .
    أم سلطان + ابو سلطان : هلا وعليكم السلام والرحمه والاكرام .
    عبد الله ( وقرب وباس راس امه وابوه ) : كيفك يبه كيفك يمه عسى صحتكم تمام ؟؟
    أبو سلطان : بخير ياولدي بفضل الله ثم بفضل شوفتكم .
    أم سلطان : بخير يابعدي وانت كيفك ياعبد الله ؟؟
    عبد الله : لا ماشاء الله عيني عليكم بارده انا بخير يمه ياعساكي بالف خير .
    أبو سلطان : غريبه ماخرجت مع ربعك ؟؟؟
    عبد الله : والله يبه هو من ناحيه الطلعه ففي طلعه لكن مو الحين كذا
    تقريبا على الساعه 8 بنخرج وبنمر على ناصر ذا اللي قطعنا وناخذه من عند
    زوجته ونروح الاستراحه .
    أم سلطان : وياولدي ليش النكاده عليه وعلى زوجته خليهم براحتهم .
    عبد الله : يمه يكفي شهر وشوي وهو حابس نفسه بالبيت معها خليه يخرج شوي .
    ابو سلطان : زين وكيف ربعك ؟؟؟
    عبد الله : بخير يبه والله كلهم يسلموا عليك ويدعون لك بالخير .
    أبو سلطان : الله يرضى عليكم جميعا ياولدي .
    عبد الله : آمين يبه .
    وساد شوي الصمت وكان عبد الله يبغى يبدا الموضوع وشوي الا ساله ابوه .
    أبو سلطان : عبد الله وش صار على امر المناقصه اللي كلمتك عنها قبل اسبوع .
    وسكت عبد الله شوي وخاب ظنه لانه كان يبي يكلم ابوه بالموضوع الخاص فيه
    وبماجد لكن ابوه فتح له موضوع العمل لكن احترام لابوه رد عليه وهو يتناول
    فنجال القهوه من امه .
    عبد الله : والله يبه تقدمت شركات كثيره عليها وكل عرض احسن من الثاني وانا
    صنفت لك الشركات للافضليه ورتبت لك ملفاتها وبكره بتوصلك على المكتب وتشوف
    اذا تبي أي اجراء او تعديل على الموضوع بيتم وبحول الله بيتم الموضوع على
    احسن مايكون .
    أبو سلطان : عدل عليك ياولدي الله يحفظك لشبابك زين بكره اول ماتوصل المكتب
    خلي عبد المجيد يوصل الاوراق لي وباخر النهار نتفق على الموضوع .
    عبد الله : زين يبه .
    وساد الصمت شوي وبعد ماشرب ابو سلطان فنجاله الثاني وقام بيروح مكتبه وقفه عبدالله .
    عبد الله : يبه بغيتك بموضوع انت وامي .
    أبو سلطان ( وتراجع وجلس ) : خير ياولدي عسى ماشر ؟
    عبد الله : ماشر يبه . يبه تذكر انت وامي كلامكم معي دوم عن الزواج والاستقرار .
    أم سلطان : أيه ياولدي .
    عبد الله : وتذكرين يمه انك كنتي دوم ترشحي لي بنت عمي ابو ماجد وفاء صديقت ريم .
    ام سلطان : ايه ياولدي البنت ماشاء الله عليها مزيونه وكامله والكمال لله عز وجل .
    عبد الله : زين يمه ويبه انا بعد زواج ناصر فكرت وقلت انه انا الحين بمنتصف
    العشرينيات وخلاص بعد كم شهر بكون على ابوبا السته وعشرين وانا الحمد لله
    وضعي زين وماينقصنا شيء حاليا والمبلغ اللي كنت مخطط له بفضل الله ثم بفضل
    العمل مع ابوي قدرت اكونه وانا بصراحه ابي اكمل نص ديني واتزوج وابيكم
    تخطبوا لي البنت اللي انتم رشحتوها لي خصوصا انكم انتم تشوفوا انها مناسبه .
    أبو سلطان : هذه الساعه المباركه ياولدي والله انه ابو ماجد عزيز وغالي واخ
    لي ثاني وولده ماجد بمنزلت ولدي ومااعتقد البنت تنعاب ماشاء الله عليها
    والله انها وقفت بزواج ساره مع البنات كان ساره اخت لها وعلى خيرت الله
    ياولدي متى تبيني اخطبها لك .
    عبد الله : والله يبه انا بس ابي اشوف موضوع شهد وسلوى بنات عمي وش بيصير
    فيه اللي فهمته من ناصر انه بيتم ملكه سلوى بنصف شهر ثماني قبل رمضان اما
    شهد فبيكون ملكتها في اخر رمضان يعني كذا يوم 25 اعتقد وزواج سلوى بيكون
    بخامس العيد اما شهد فبيكون بذو الحجه وانا اشوف انه بعد ملكه بنات عمي
    وقبل زواجهم نخطب على اساس يكون للبنت وقت كافي تفكر ولو تم الموضوع تكون
    ملكتي بعد زواج سلوى بنت عمتي في عطلة الحج على اساس نرتب الامور .
    أبو سلطان : زين مافكرت ياولدي ها وش رايك ياام سلطان ؟؟؟
    أم سلطان : والله ماعندي احسن من هذه اللحظه بحياتي الله يوفقكم جميعا وعلى بركه الله .
    عبد الله : زين يبه .
    ام سلطان : بس ابي اقول شيء ليش حنا نصبر لين بعد ملكه بنات ابو ناصر
    البنت لازم تاخذ وقت بالتفكير وش رايك نروح نخطبها لك قريب ونتركهم لين
    مايردوا علينا حتى نرتب الامور زين .
    عبد الله : هذا رايك يعني يمه ؟؟؟
    أم سلطان : ايه ياولدي وانت وش رايك يابو سلطان ؟؟
    أبو سلطان : والله مادري اتفقوا انتم واللي تشفونه خير بلغوني .
    عبد الله : زين يمه خلاص على بركه الله .
    أم سلطان : زين انتوا روحوا اخطبوها كذا بعد اسبوع من الحين وانا بكلم ام ماجد امهد لها عن الموضوع خلال الاسبوع هذا .
    ابو سلطان : زين ماسويتي ياغاليه خلاص على بركه الله .
    عبد الله : زين يمه الله لايحرمني منك وانت بعد يبه والحين استرخصكم بروح اتجهز للصلاه وامر على الشباب .
    أبو سلطان + أم سلطان : الله معك ياولدي .
    وخرج عبد الله وراح توضى وهو الفرحه ماتشيله لانه اللي خطط له جاء على
    ماتمنى واحسن بس بقى يتم الموضوع وبعد كذا يترك الراي لوفاء وجلس يفكر شوي
    ياترى هل ممكن ترفضه وفاء ؟؟؟ وضايقه هذا التفكير لكنه حاول ينفضه عن راسه
    ومسك جواله واتصل على ماجد .

    ماجد : هلا عبود حياك
    عبد الله : السلام عليكم ورحمه الله وبركاته بل عليك مامداني ادق دقه الا رديت ههههههههههههههههه.
    ماجد : هههههههههههههههههههههه وعليكم السلام ورحمه الله وبركاته الله
    يرجك عبود يعني كان لازم اجلسك تطق على الجوال وبعدين ارد عليك وبعدين ياخي
    انت تدري اخر الشهر والحال مفلس مافيني ادق عليك واكلف على نفسي ادفع انت
    ثمن المكالمه .
    عبد الله : افاااااااااااااااااااا ياذا العلم مادريت انك بخيل لاياخي اجل
    بطلت ازوجك اختي لو تقدمت لها شكلك بتعيشها بفقر والبنت مو اخذه على الشيء
    هذا .
    ماجد : هههههههههههههههههههههههههههههههههههههههههه امزح معك وبعدين لو الله تممم الموضوع على خير بتكون بعيوني وانت تدري .
    عبد الله : ايه ادري زين مجود اسمع لي عندك اخبار جديده بس شوف ماينفع
    بالجوال انا بخرج الحين للمسجد وبمر عليك نروح سوا للصلاه وبعدين نخرج كوفي
    شوب واجلس اقول لك على الموضوع .
    ماجد : اوكي بس بخصوص أي موضوع ؟؟؟
    عبد الله : بخصوص موضوع بيع الجح بالسوق وسعره ارتفع ولا لا بخصوص وش يعني ياطاق يالخبل بخصوص موضوع الخطبه .
    ماجد : ههههههههههههههههههههههههههههههههههه زين عبود اوكي يلا انا بتوضى وانتظرك .
    عبد الله : زين دقيقتين وانا عندك .

    ماجد : اوكي سلام .
    عبد الله : سلام .














    <blockquote class="postcontent restore ">
    وقفل ماجد الخط وراح يستعد وتوضى ونزل انتظر عبد الله اللي بمجرد
    نزول ماجد وخروج من البيت لقاه وصل عنده ومر عليه وراحوا المسجد سوا وبعد
    صلاه العشاء اختاروا لهم كوفي شوب هادي وجلسوا فيه .
    ماجد : ها عبود هات ماعندك !!!
    عبد الله : ياخي اصبر علي بختار لي شيء اشربه ايش تبي ؟؟؟
    ماجد : جيب لي كابتشينوا وفطيره بالجبن .
    عبد الله : زين وانا باخذ موكامارس وباخذ دونات بالسكر .
    وفعلا طلبوا الطلبات وبعد وصلوها فتح عبد الله الموضوع .
    عبد الله : شوف ياغالي انا كلمت امي وابوي اليوم على الموضوع قبل امرك بس
    ماقدرت اقول له على موضوعنا لانه تدري صعبه ولازم تتقدم انت رسمي لكن امي
    شافت انه اتقدم لكم الاسبوع الجاي وانا مادري عنك انت كيف بيكون وضعك على
    اساس حنا اتفقنا اول يكون تقدمنا بنفس الوقت .
    ماجد : اها والله مادري عبود صراحه انت شرايك نبقى على اتفاقنا انا كلمت
    الوالده من اول لكن على اساس اخطب ريم بعد ملكه بنات عمي ابو ناصر مو
    الحين .
    عبدالله : زين يعني انت الحين وش رايك ؟؟؟
    ماجد : انا بكلم امي واشوف وش بيصير لكن مادري احس الموضوع بيكون فيه ربكه وتقصير !!!
    عبد الله : تقصير من أي ناحيه ؟؟؟
    ماجد : من ناحيه حق ريم انها تنخطب خطبه زينه يعني نجي لبيتكم ونخطبها مثل العالم والناس مو وانتم جاين تخطبوا وفاء نخطبها .
    عبدالله : وليش ياخي مافيها شيء انتم مو اغراب وبعدين الوالد وعمي متفاهمين
    حيل يعني مااظن فيها مشكله انت بس لاتكبر المساله وبعدين ماتدرين مين اللي
    بيخطب قبل مين يعني ممكن انت تكون سابق لي يعني لو صار الموضوع كذا مع
    وفاء راح تحس انه قصرت بحق اختك اكيد لا .
    ماجد : والله مادري عبد الله بس تدري انا بعد بخلي امي تكلم امك هذا الاسبوع او حتى تلمح لها حتى يكون موقفنا حلو .
    عبد الله : زين شوف على حسب اتفاقنا انا وابوي انه بيكون الخطبه الرسميه
    للرجال اخرا السبوع الجاي انت بعد نسق مع الوالد على هذه الاساس من هذه
    الليله حتى يضبط الموضوع واللي يصير يصير ياحنا نتقدم لكم قبلك او الع**** تم التعديل من قبل Admin.
    ماجد : زين اتفقنا اجل على بركه الله بكلم اليوم الوالده .
    عبد الله : زين يافلانتينوا انا بدق على ناصر بشوفه يجي معنا الاستراحه اليوم ولا لا .
    ماجد : زين أيه والله هو من زمان عنا من يوم رجع شهر العسل ماشفته غير مره واحده بالمزرعه .
    عبد الله : هذا هو جواله يدق اصبر .
    واوم ماجد لعبد الله براسه
    وبعد عده دقات رد جوال ناصر لكن كان المجيب ساره مو ناصر ...

    عبد الله : السلام عليكم ورحمه الله وبركاته .
    ساره : وعليكم السلام ورحمه الله وبركاته .
    عبد الله : يه وش هذه انا شكلي غلط ودقيت على جوالك ساره .
    ساره : لا عبود هذا جوال ناصر بس انا رديت عليه .
    عبدالله : ياشين اللقافه وليش تردين عليه ها ؟؟؟؟؟؟
    ساره : كيفي جوال زوجي ويحق لي مالك شغل انت ليش متصل؟؟؟
    عبد الله : يالله الحين انا مالي شغل طبعا يحق الكم لنا الله !!!
    ساره : ههههههههههههههههههههههههههه الله يرجك عبود صدق وش تبي ؟؟؟
    عبد الله : وين زوجك ؟؟؟
    ساره : موجود بجنبي ؟؟؟
    عبد الله : وليش مايرد هو على الجوال ولا يده مكسوره ؟؟؟
    ساره : وجعععععععععع فال الله ولا فالك فديت عيونه ان شاء الله .
    عبد الله : افااااااااااااااا يابنت ابو سلطان هذه اخرتها بعتي اخوك علشان الدب ذا .
    ساره : ههههههههههههههههههههههههههههه الله يرجك عبود لا بس هو الحين يسوق .
    عبد الله : اها يعني انتم الحين برى؟؟؟؟؟؟؟؟
    ساره : ايه بره علشان كذا مارد على الجوال لانه يسوق السياره واخاف عليه .
    عبد الله : ياربي يادلعوووووووووووووو وربي انكم ماسخين الثنين فكوا شوي عن
    خلقت بعض طول نهاركم لاصقين لبعض اعتقي الرجال فكي شوي من خلقتك تدللي
    عليه شوي مو لاصقه له اربع وعشرين ساعه .
    ساره : عبووووووووووووووود تدري انك سخيف وربي وشكلي بسكر بوجهك .
    عبد الله : هههههههههههههههههههههههه عصبتي احسن يامال الرجه اللي ترجك انتي وزوجك يالمسطوله .
    ناصر: الووووووووووووووووووو يادب شفيك على سارونه وجع لاتدعي على زوجتي .
    عبد الله : وجع انت وبعدين من متى مخليها ماشاء الله سنترال لمكالماتك ولا لازم نمرعلى الجمارك اول قبل ترد علينا يالمهم .
    ناصر: عبود الله يرجك هذه اوامر سرونه عيوني تخاف علي مو مثلك بايعني .
    عبد الله : وليش اخاف عليك ماشاء الله وانت تسد عين الشمس ليكون بس ورع من الورعان علشان اخاف عليك .
    ناصر : ياخي وش فيك علي اعوذ بالله كل هذه غيره لاني لقيت مين يخاف علي
    ويهتم فيني وانت لا ياحراااااااااااااا م ماعليه بابا الله يرزقك باللي
    يخاف عليك وتبطل غيره وحقد ها انتبه ترى تموت بغيرتك.
    عبدالله : لا بالله مع وجهك اخذ مقلب بنفسك اقول طس بس .
    ناصر : خخخخخخخخخخخخ ايه اطس على العموما انت اللي متصل وللحين ماقلت لي وش تبغى ؟
    عبد الله : اقول خلاص انقلع بغيت تطلع معانا انا وماجد للاستراحه بس شكلك مو فاضي ياكزنوفا .
    ناصر: ايه اكيد مو فاضي وش ابغى بخلقتكم وبعدين انا اتفقت انا وسوسو الاستراحه خلاص من الحين ورايح يوم واحد بالاسبوع .
    عبد الله : الله يقرفك على هذا الدلع وبعدين يالله تتمنن علينا بعد بذا الاسبوع عموما طس مانبيك صدق متزوج وخبل .
    ناصر: هههههههههههههههههههههههههههههههههههههه مادام معي القمر مالي ومال النجوم.
    عبد الله : اقووووووووووووووول طس مناك ها يلا كلفت علي انت والخبله اللي جبنك وياليت على فايده الا ما اخبل منك الا هي .
    ناصر: هههههههههههههههههههههههههه اقول ضف وجهك ها مو فاضي لك قطعت على الجو الرومانسي .
    عبد الله : اها تكفى بس ياكازنوفا يلا اقول بس طس مع السلامه .
    ناصر: ههههههههههههههههههههههههههههههه مع السلامه .
    وقفل عبد الله من ناصر وهو معصب شوي ....
    ماجد : خخخخخخخخخخخخخخخخخخخخخخخخخخخخخخ الله يرجك انت وياه شفيكم كل المكالمه هوشه .
    عبد الله : ياخي خبل ذا رفع ضغطي هو والخبله الثانيه .
    ماجد : الله يهنيهم ببعض ياشيخ بس ويسعدهم ويوفقهم وعقبالنا قول آمين .
    عبد الله (وهو يبتسم ) : آمين قريبا جدا ان شاء الله .
    ماجد : زين يلا مشينا ترى تاخرنا على الشباب .
    عبد الله : اوكي يلا .
    وخرج عبد الله وماجد من الكوفي شوب باتجاه الاستراحه .....
    </blockquote>



    ولما رجع ماجد من الاستراحه راح لغرفه امه وابوه ولقى امه هناك جالسه تصلي وبعد انتهاء الصلاه دار الحوار التالي :
    ماجد : ادعيلي يمه .
    أم ماجد : الله يوفقك ياولدي ويفتح عليك ويحقق لك اللي تتمناه ويبعد عنك كل مسلك حرام .
    ماجد : آمين يمه يمه بغيتك بموضوع .
    أم ماجد : لبيه ياولدي ؟؟
    ماجد : يمه شرايك تكلمي خالتي ام سلطان بكره وتلمحي لها عن موضووع ريم على اساس نتقدم لهم خلال الاسبوع الجاي ؟؟؟
    ام ماجد : والله ياولدي انا ماعندي مانع لو بغيت كلمتها الحين .
    ماجد : ياليت يمه بس الحين الوقت تاخر .
    ام ماجد : لا ياولدي ماتاخر الساعه بعدها ماجاءت 11:30 يمديني اكلمها وبشوف ردها .
    ماجد : زين يمه .
    وبالفعل راحت ام ماجد واتصلت على منزل ابو سلطان وانتظرت احد يرد على الخط وشوي جالها الرد .
    أم ماجد : الو؟
    ورد عليها صوت الخدامه ..
    الخادمه : الو ايوه مين يبغى ؟؟؟
    أم ماجد : وين ماما كبير الحين يا سيدرا؟؟؟
    سيدرا : ماما كبير فوق مين قول لها ؟؟
    ام ماجد : قولي لها مدام ام ماجد يبغى يكلمها طلعي لها التفلون .
    سيدرا : اوكي ماما دقيقه انا في طلع تلفون لها .
    وجلست ام ماجد تنتظر شوي لين ماجاءها صوت ام سلطان على الخط ...
    أم سلطان : هلاياوخيتي حياكي ام ماجد .
    أم ماجد : هلا ياغاليه تمام الله يسلمكي كيفك انت وشخبارك وكيف العيال ؟؟؟
    ام سلطان : بخير يامال العافيه كلهم بخير .
    أم ماجد : وشلون عرسانا ناصر وساره ؟؟؟
    أم سلطان : بخير يسلموا عليكي الله يحفظك .
    أم ماجد : و**** تم التعديل من قبل Adminود شلونها الحين ؟؟
    أم سلطان : والله تعبانه شوي تعرفي الاسابيع الماضيه كلها ضغط لكن الحمد لله هي الحين بخير وبصحه .
    أم ماجد : الحمد لله الله يقومها لكم بالسلامه وتفرحون فيها وبمولودها .
    ام سلطان : آمين يارب وعقبال عندكم بعد اولاد ماجد ووفاء ان شاء الله .
    أم ماجد : في حياتك وصحتك ياغاليه بغيتك بموضوع ياوخيتي لو ماعليكي امر ولو ماكنتي مشغوله بشيْ ؟؟؟
    أم سلطان : لا ياغاليه تفضلي ماعندي شيء خير عسى ماشر ؟؟؟
    أم ماجد : ماشر ان شاء الله كل خير وفرح ياوخيتي والله تدرين انتوا تعرفونا
    من زمان وانتم عشره عمر وماشاء الله عليكم نعمه الاخوان والجيره .
    أم سلطان : وانا اشهد وانتم بعد ماشفنا منكم الا كل خير والله يحفظ لكم اولادكم ويحرصكم .
    أم ماجد : سلمتي ياغاليه وانا ياغاليه اليوم اكلمك ابي ادخل بالموضوع على
    طول انتي تدرين عن ولدي ماجد بسم الله عليه موظف ورجال يعتمد عليه وهو
    والله حاب يتمم شرع الله وسنه رسوله ويتزوج وحنا مارح نلقى احسن منكم والله
    وماشاء الله عليها ريم مزيونه وكامله والكمال لله عز وجل وادري موضوعنا
    جاء يمكن بوقت مو مناسب لانه ماشاء الله العائله مشغوله حاليا بافراح بيت
    ابو ناصر الله يتمم لهم ولنا على خير فشقلتي ياوخيتي ؟؟؟
    أم سلطان : والله هذه الساعه المباركه ياغاليه وحنا بعد مارح نلقى احسن
    منكم وماشاء الله ماجد ماينعاب ورجال من ظهر رجال بس تدرين لازم اشاور
    البنت وبعد تدرين لازم الخطبه رسميه .
    أم ماجد : ايه ياوخيتي ادري بس انا حبيت ابلغك علشان تشوفي راي البنيه وتاخذي رايه ابوها واخوانها .
    أم سلطان : والله لو علي انا موافقه من الحين حنا مارح نلقى احسن منكم ياغاليه .
    أم ماجد : تسلمين يابعد حي .
    أم سلطان : والله مادري وش اقول لكي ياوخيتي لكن لعلها خيره من الله انا
    بعد بغيت اكلمك بموضوع عبد الله وانتي تعرفين عبد الله ولد من اولادكم وبسم
    الله عليه كان صديق ماجد من ايام الطفوله والدراسه وحتى الحين والله
    لايجمعهم الا على خير ويحفظهم وانا والله مارح القى احسن من بنتكم الله
    يصونها ويحفظها زوجه له تراعيه وتنتبه له وانا بغيت اكلمك بالموضوع لكن
    سبحان الله سبقتيني .
    أم ماجد : والله انه زين الشباب وشيخهم الله يحفظه لكم وياغاليه حنا مارح
    نلقى احسن منكم لكن مثل ماقالتي من بعد هدايه الله راي ابوها واخوها والبنت
    بعد وان شاء الله ارد لكي خبر بعد وعسى الله يجعل ديارنا عامره بالافراح .
    أم سلطان : آمين يارب .
    أم ماجد : زين ياوخيتي استرخصك وعسى الله يوفقنا .
    أم سلطان : آمين يارب .
    وانهت ام ماجد المكالمه وطالعت لولدها اللي كان متابع كل كلمه بالمكالمه ...
    ماجد : هايمه وش صار؟؟؟ !!!
    أم ماجد : مثل ماشفت ياولدي موافقه مبداي بس لازم مشوره البنت وبعد لازم
    الخطبه الرسميه يعني شد حيلك انت وابوك واخطبوها خلال الاسبوع الجاي وبعد
    صار موضوع ثاني ام سلطان خطبه وفاء لولدها عبد الله .
    ابتسم ماجد ورد على امه .......
    ماجد : صدق يمه ؟؟؟
    ام ماجد : ايه ومادري ليش احس انك مو متفاجاء وانك داري عن الموضوع من اول !!!
    ماجد : هههههههههههههههههههههههههههههههه صدقتي يمه بصراحه ايه ادري عبد الله قلي لكن تعرفين يمه لازم كل شيء يسير على الاصول .
    أم ماجد : صدقت ياولدي زين انت وش رايك اقول لوفاء الحين ولا خليه يوم تصير الخطبه رسميه ؟؟؟
    ماجد : لا خليه يوم تصير الخطبه رسمي مثلي.
    أم ماجد : زين على خير ياولدي ومتى بتروح تخطب البنت رسمي ؟؟
    ماجد : شرايك يمه اروح انا وابوي الاسبوع الجاي؟؟
    أم ماجد : على خير ياولدي الله يوفقك يارب ويسعدك .
    ماجد : آمين يمه .
    وخرج ماجد من غرفه امه ورح لغرفه بدل ملابسه ونام على السرير وجلس يفكر وهو
    باله مرتاح لاول مره من شهور طويله لانه حس خلاص انه مبتغاه قرب يوصل له
    ووكل ربه ونام .





    <blockquote class="postcontent restore ">
    انتهت العطله الصيفيه بكل ماكان فيها من احداث مؤلمه ومفرحه وبدا
    عام دراسي جديد ومثل ماهو معروف عن نظام الجامعات انه اول اسبوع مايكون فيه
    محاضرات نظرا لتوزيع الجداول على الطلاب ولهذا السبب ريم ماراحت اليومين
    الاوائل واتفقت مع وفاء انها تروح تاخذ الجدول يوم الاثنين ويبدا دوامه يوم
    السبت بنشاط وحيويه نظرا لانه اخر ترم دراسي لهم والترم الثاني بيكون
    تطبيق تعاوني .
    وفعلا راحت ريم ووفاء الكليه وراحوا كل واحده منهم تستلم جدولها والمواد
    اللي نزلت لها هذا الترم وطبعا كانت وفاء وريم لهم نفس الجدول نظرا لان
    تخصصهم واحد وبعد مااستلموا جداولهم ووقعوا كانوا بيخرجوا من مبنى اللي
    يحتوي مكاتب هيئه التدريس ولكن لمحوا وجه يعرفوا زين من بعيد ....
    وفاء : ريومه مو هذه هديل ولا انا غلطان ؟؟
    ريم : وين مااشوف ؟؟
    وفاء : اللي هناك عند مكتب الدكتوره هدى !!!
    ريم : ايوه والله صدق هذه هديل تعالي بسرعه خلينا نلقطها قبل تضيع وسط زحمه البنات ونعرف ايش سبب اختفاءها .
    وفاء : يلا .
    وبخطوات سريعه تقدموا ريم ووفاء باتجاه هديل وبالفعل تاكدوا انها هي يوم
    اقتربوا منها بس كانت بهذا الوقت دخلت هديل مكتب الدكتوره هدى وبعد مضي شوي
    من الوقت خرجت هديل وهي منزله راسها باتجاه الاوراق اللي معها وجالسه
    تقراءها وشوي سمعت صوت من قدامها .
    وفاء :هدووووووووووووووووووووووووووووووله هذه انتي ؟؟؟؟
    ورفعت هديل راسها وهي مو مصدقه ...
    هديل : ههههههههههههههههه الله وش الصدفه الحلوه هذه يالله احلى شيء حصل لي
    اليوم اني شفت اغلى ثنين على قلبي قدامي يالله كيفك ريم كيفك وفاء .
    وحضنت هديل وفاء وريم بقوه ونفس الشيء سوا ريم ووفاء ....
    ريم : وين الغيبه يابنت عند جد زعلانه عليكي .
    هديل : والله ياعيوني اسفه لكن عندي ظروف .
    وفاء : أي ظروف يابنت قلقتينا عليكي .
    ريم : ايه والله قلقتينا تعرفي اني**** تم التعديل من قبل Adminرت جوالك من كثر الاتصال عليه ورسائل ولا لقيت منك رد .
    هديل : والله آسفه لكن صارت اشياء وظروف منعتني وكنت اشوف رسائلكم واتصالاتكم بس والله اني ماكنت اقدر ارد عليكم .
    ريم : وانا زعلانه منك من جد هدوله انتي وعدتيني انه تجي فرح ساره وماجيتي .
    هديل : والله آسفه ياعمري عندي ظروف وانا متاكده لو قلته لكم بتعذروني .
    وفاء: زين اقول حنا جالسين هنا وسط الزحمه والازعاج تعالوا ننزل الكافتريا نشرب لنا شيء وتحكي لنا .
    هديل : اوكي يلا .
    ونزلوا ثلاثتهم للكفتيريا واختاروا لهم عصيرات وجلسوا على طاوله ....
    ريم : يلا اعترفي بسرعه ايش اللي شغلك عنا ياقليله الخاتمه ؟؟؟
    هديل : هههههههههههههههههههههههههههههههههههههههههه ريومه الله يرجك اوكي بقولكم شيء مو ملاحظين علي شيء متغير ؟؟؟؟
    وفاء : امممممممممم ايوه قاصه شعرك ومغيره لونه بس مااعتقد هذا سبب انقطاعك ولا تبغى تغيري الموضوع ؟؟؟
    هديل : هههههههههههههههه لا والله ماابغى اغيره بس شيء ثاني !!!
    ريم : شيء ثاني مثل ايش .
    هديل : مادري فكروا انا مارح اقول لكم . وقالت هذه الكلمه وهي تحرك يدها قدامهم وتحطها على خدها .
    وشهقت ريم شهقه مو مصدقه
    ريم : لا مو معقول حقيقي ههههههههههههههههههه!!
    هديل : ههههههههههههههههههههه يعني اكتشفتي الشيء .
    وفاء ( وهي مو فاهمه شيء ) : سلامات وش فيكم الا ثنين ايش اللي اكتشفتوا ومااكتشفتوا ؟؟؟
    ريم : ههههههههههههههههههههههههههههه وافي يالمسطوله ماتشوفين الدبله اللي باصبعها .
    وفاء( بعد ماركزت ) : ايوه والله
    احلللللللللللللللللللللللللللللى مبررررررررررروووووووووووووووووووووك الف
    مبروووووووووووووووووووك يادبا وليش ماقلتي لنا وليش ماعزمتينا ؟؟؟؟
    هديل :ههههههههههههههههههههههههههههه الله يبارك فيكم والله ياحبيبتي
    الموضوع ماكان لا على البال ولا على الخاطر لكن انا بقولكم الحكايه من اول
    وبتلقوا فيها عذري .
    ريم : اوكي قولي احنا نسمعك .
    هديل : اوكي طبعا انتوا تعرفوا انه انا كنت مخططه انه احضر زواج ساره بعد مانرجع من تركيا .
    ريم + وفاء : ايه نعرف .
    هديل :وانا كان كل مخططي انه نروح تركيا ونرجع على اساس احضر زواج ساره مثل
    ماقلت لكم لكن ماكنت ادري بانه في واحد تقدم لي بعد ملكه ساره بشهر وقالت
    لي امي الموضوع وطلبت مني اني افكر وفعلا جلست افكر ولقيت انه شاب مرموق
    طيب ومركزه حلو لانه يملك شركه للسياحه وهو عمره ثلاثين سنه وكان من زملاء
    فيصل او بالاصح يعرف فيصل من زميل من زملائه المهم بعد مارجعت من تركيا تم
    تحديد الملكه واللي كان لسوء حظي موافق يوم زواج ساره علشان كذا ماحضرت
    وماقدرت اعزمكم مع انه والله الموضوع هذا ضايقني حتى اني فضلت طول يوم
    الملكه متضايقه لاني تمنيتكم معي لكن ان شاء الله بالزواج يتعوض الموضوع .
    ريم : ماشاء الله تبارك الله الله يوفقك ياحبيبتي مدام كذا اجل انتي معذوره وماعليكي لوم بس متى بيكون زواجك ؟؟؟
    هديل: اتفقت انا وهو انه يكون زواجنا بالعطله الصيفيه يوم 6/6 ولازم تحضروا يابنات من الحين انتم معزومين .
    وفاء: اكييييييييييد مابدها كلام مارح نضيع علينا الملكه وكمان الزواج
    وخصوصا انه ماعلقنا عليكي وقت الملكه وهذه فرصه ليمكن اضيعها من يدي
    هههههههههههههههههههه.
    هديل : ههههههههههههههههههههههههههههه يعني ابو طبيع مايبطل طبايعه ياوافي .
    وفاء : أكيد .
    ريم : وايش اسم فارس الاحلام ههههههههههههههه.
    هديل : ههههههههههههههههههههههههههههههه اسمه محمد .
    ريم : اها ماشاء الله تبارك الله الله يوفقك يارب .
    هديل: آمين يارب وعقبالك حبيبتي .
    ريم : ههههههههههههههههههههه انتم السابقون وشهد وسلوى بكم ان شاء الله لاحقون .
    هديل :لا من جدك تتكلمي ؟؟؟؟
    ريم : هههههههههههههههههههههههههه ايوه والله من جدي اتكلم .
    هديل : ماشاء الله ومتى صار الكلام هذا ؟؟؟
    ريم : بعد زواج ساره .
    هديل : ماشاء الله يوفقهم يالله يعني الشله صارت نصها متزوجه تقريبا بقي انتي والخبله وافي .
    وفاء : خبله بعينك وجع هههههههههههههههههههههههه.
    هديل :يابنت لاتقولي وجع في ناس تبغاني .
    وفاء: خخخخخخخخخخخخخخخخ طيب انثبري بس .
    هديل : زين ريومه قولي لي كيف كان زواج ساره .
    ريم : والله خيال هديل عقبالك يارب ساره طلعت قمر تمنيتك تكوني معنا .
    وفاء : والله مو بس ساره اللي طلعت قمر ياهدوله ليتك شوفتي ريم ذيك الليله وربي كانها حوريه من بحر .
    هديل : احللللللللللللللللى ياريومه والله شكلك طلعتي نجمه الحفله .
    ريم : ههههههههههههههههههههههههههه والله مادري لكن عموما عندي صور زواج
    ساره وشريط الفديو بعد ان شاء الله تزوريني بيوم واوريها لكي .
    هديل : اوكي ان شاء الله اذا وافق المهندس على كذا ههههههههههه.
    وفاء :اما مايوافق وربي قهر ايش هذا !!
    هديل: هههههههههههه ماعليكي انا اعرف كيف اخليه يوافق . <<<وغمزه لوفاء .
    وانطلق الضحك على البنات الثلاثه....
    وشوي دق جوال هديل .....
    وفاء : هديل شكل جوالك يدق .
    هديل :ههههههههههههههههههههههه الطيبون على ذكره سبحان الله هذا هو يتصل علي .
    ريم : جبنا سيرت القط جاكم ينط .
    هديل : ههههههههههههههههه قط بعينك يلا عن اذنكم بنات شوي بروح اكلمه .
    ريم : يابنت عيب لاتقولي كلام رومانسي استحي على وجهك واثقلي شوي .
    هديل : خخخخخخخخخخخخخخخخخخخخخخخخ تكفين بس بكره نشوف وش بتسوي يلاااااااااااا بسرعه برد عليه قبل يقفل .
    وفاء : لا بالله هديل اجلسي بشوف وجهك وهو يروح الوان وهو يكلمك اتحداكي تتغزلي فيه قدامنا !!!
    هديل : وااااااااااااافي وجعععععععع ان شاء الله خليني ارد والله شكله بيقفل ويزعل علي طسي عني يلاااااااا.

    وبعدت هديل عن الطاوله بسرعه قبل أي تعليق ساخر من تعليقات ريم ووفاء وراحت ترد على محمد .

    وفاء: ههههههههههههههههههههههههه الله يسعدها يارب ويوفقها .
    ريم : آمين يارب .
    وفاْء : ريم انتي متى بتروحي ؟؟
    ريم :و الله بتصل عليهم الحين ولين مايجوا يعني تقريبا نص ساعه تعرفي الزحمه وكذا .
    وفاء :اجل انا كمان بتصل عليهم .
    ريم : زين .
    وبعد مااتصلت ريم على السواق انه يمرها كانت هديل خلصت مكالمتها ورجعت .
    وفاء : ها خلصتي ياجوليت من المكالمه ياربي يعنني رومانسيه .
    هديل : خخخخخخخخخخخخخخخخخ هين ياوفاء خليكي تملكي اذا ماطفشتك من كثر التعليق وتعرفيني انا .
    وفاء :ههههههههههههههههههههه يصير خير اقول بس .
    هديل :تشوفين .
    ريم : بنات زين تعالوا بنروح قرب البوابه بروح اشوف تصريحي وصل ولا لا انتم بتجوا بكره ؟؟؟
    وفاء : عني انا لا مادري عن هديل .
    هديل :اكييييييييييييد انا لا مالقيتوا تسالوني الا انا .
    وفاء :أكييييييييييييد لا مدام في اللي يشغلكي ولا انتي اول كنتي اول واحده
    تجي من دفعتنا والله مادري ايش تسوي رغم انه مافي محاضرات والله انك
    مطفوقه لكن الحين حبيب القلب موجود خلااااااص لا دشره بعد اليوم .
    هديل : وجععععععععععع وفاء وش فيكي عليه ايوه طبعا لازم احسن التبعل لزوجي .
    وفاء :ياربي انتبهي بالله لاتتشققي علينا وانتي تقوليها احسه كانك شريط كاست مفروط .
    هديل : مااااااااالت وافي وربي يادبيه اوريكي هذا وانتي ماحضرتي الملكه كيف
    لو حضرتيها كان جننتني زين ملكتي كانت وقت زواج ساره حتى افتك من لسانك
    مسكينه ساره شكلك مارحمتيها .
    وفاء :لا والله يادبا حرام ماعلقت على ساره بس انا مستحلفه لشهد ولكي وتشوفي .
    هديل : الله يكفينا شرك ههههههههههههههههههههههههههه.
    ريم : بنات سمعوني بالنسبه للحضور انا بعد من اول قررت اني مااحضر هذا الاسبوع ومن الاسبوع الجاي احضر.
    وفاء : يالله ياريم حنا بسالفه وانتي بسالفه !!!
    هديل : مين المشرفه الاكاديميه عليكم هذه السنه ؟؟
    ريم : الدكتوره هناء الله يسعدها وربي دكتوره عسل .
    هديل : اها وانا بعد حظي حلو هذه السنه الدكتوره هدى .
    ريم : حلو والله .
    هديل : صدق بنات وين شهد ولا مو فاضيه لنا جالس تجهز للملكه هههههههههههههههههه.
    ريم : لا بدري على ملكتها لانها بتكون في منتصف رمضان لكن انا اللي اعرفه انه جاءت من يوم الاحد واخذت جدولها .
    هديل : اها .
    وفاء : يلا بنات مشينا نشوف التصاريح.
    ريم +هديل : يلا.
    وخرجوا واخذوا تصاريحهم وودعوابعض على اساس يلتقوا باقرب وقت في بيت واحده منهم .
    </blockquote>




















    <blockquote class="postcontent restore ">
    وانتظر عبد الله لين ماحرك ماجد السياره ودخل البيت وراح غرفته وقفل
    الباب واسترخى على فراشه وهو حاس انه اشياء كثيره صارت وبسرعه وبوقت قياسي
    قبل مايشعر فيها اول زواج ساره وناصر اللي ماله اكثر من شهرين وبعدين
    خطوبه شهد وسلوى اللي بتكون ملكتهم قريب مره وبعدها هو وماجد وخطوبتهم
    لوفاء وريم فعلا صدق ماجد زمن وجلس يفكر عبدالله يترى وش بيكون وجهت نظر
    ريم اللي كانت دائما متزمته من ناحيه الزواج وخطر على بالله امر خطير لو
    فرضنا رفضت ريم ماجد ياترى هل هذا بياثر على قرار وفاء عن الموافقه عليه
    بحكم ان وفاء اعز واقرب صديقه لريم لكن مع كذا مايمنع انها تنجرح او على
    الاقل تراعي شعور اخوها ماجد بانه انرفض مع انه ماجد ماينعاب صدق هو شوي
    خبل وعليه طقات لكن فعلا رجال مناسب بالمكان المناسب ووقت الضيقه هو اول
    من يفزع ويعاون وفوق كذا اخلاق ودين وماشاء الله وسامه ومركز اجتماعي ومالي
    بنحسد عليه من قبل اقرانه من الشباب لكن ياترى كل هذا راح يقنع ريم فيه
    وهل ريم بتتمهل هذه المره ولا ترفض بتهور الامر كالمعتاد وصار عبد الله
    قلقان من هذه الفكر براسه وتوتر بشده هذا الامر اول مره يخطر على بالله من
    يوم تكلم بالموضوع مع ماجد وخصوصا انه السبب الرئيسي لرفض ريم للخطاب اللي
    سبقوا ماجد انها كانت تدرس وريم لازالت تدرس وهذا الشيء سبب هوجاس قولي
    لعبد الله وجلس يفكر ويفكر لين ماسمع طرقات على الباب فاعتدل بجلسته ..
    عبد الله : ادخل .
    أم سلطان : وش فيك ياولدي ماترد من اول هذه رابع مره ادق الباب والله ظنيتك نمت .
    عبد الله : آسف يمه كنت افكر ماسمعتك حياكي ياام سلطان ياغاليه .
    أم سلطان : الله يبقيك ياولدي ها بشرني وش صار .
    عبد الله : ليش ابوي ماقالك على اللي صار يمه .
    أم سلطان : بلا قلي لكن قلي رؤوس الاقلام .
    عبد الله : اها وانتي تبي التفاصيل .
    أم سلطان : ايه ياولدي .
    عبد الله : زين يمه شوفي جاء ماجد وابوه وخطب ريم لماجد مثل ماهو متوقع
    ومثل مالمحت لك ام ماجد يوم كلمتك الاسبوع الماضي وابوي قال لهم انه ماعنده
    مانع لكن لازم راي ريم وهذا الخطوه تصير عليكي انتي يمه انك تساليها
    وتاخذي رايها وان شاء الله توافق .
    أم سلطان : يالله لو ماوافقت هذه البنت كان تموتني بدري بافعالها .
    عبد الله : يمه بعيد الشر عنك بس يمه هي لها حق تنسال وترفض مثل ماتبي هذا
    مستقبل وحياه لكن يمه انا بقولك شيء ريم عنيده حيييييييييييل ولا يصلح معها
    **** تم التعديل من قبل Adminاد واسلوب الضغط وتمشيه الراي لو بغتيها توافق كلميها بهدوء واتركي
    لها بقيه الامر ووضحي لها المحاسن للزواج والمساوء والمهم انك توضحي لها
    اكثر انه القرار قرارها ترى يمه **** تم التعديل من قبل Adminاد مع ريم مايصلح وانتي تدرين وغير كذا
    بلغي ساره والعنود بالموضوع وانتي تدرين ساره و**** تم التعديل من قبل Adminود غالين على قلب ريم
    ويمكن يكون هذا سبب اقوى باقتناعها .
    أم سلطان : ايه ياولدي صادق والله يقدم فيه الخير زين قلي وانت وش سويت .
    عبد الله : اما بالنسبه لي يمه ابوي خلى عمي عبد العزيز يخلص كلامه وبعدين
    طلب منه يد وفاء لي وعمي عبد العزيز فرح بالموضوع حيل مثل حنا مافرحنا
    وابدا بعد هو موافقته لكن مثل ماقالنا حنا له لازم مشوره وفاء وانا والله
    يمه من هذه الناحيه حيل قلقان .
    أم سلطان : ليش ياولدي .
    عبدالله (تنهد وكمل كلامه ) : يمه انا قبل شوي طرى على باللي طاري هو لو رفضت ريم ماجد وش بيكون موقف وفاء مااتوقع انه وفاء بتوافق علي وقتها !!!
    أم سلطان : ليش ياولدي ماتوفق عليك وانت وش ينقصك حتى ماتوافق عليك ؟؟؟؟
    عبد الله : يمه الحمد لله وبفضله مايقصني شيء مثل ماماجد ماينقصه شيء لكن
    كيف بتوافق وتجرح شعور اخوها وهو انرفض يعني احس الموضوع معلق بريم والله
    اني قلقان يمه واكيد انه ماجد خطر له الطاري هذا مثل ماخطر لي الحين وقلقان
    مثلي ولو حتى على فرض وافقت وفاء مادري كيف بتحمل اشوف ماجد مرفوض ومتحطم
    من ريم والله يمه مادري وش اسوي !!!
    أم سلطان : لاتقول كذا ياولدي وعاين خير وان شاء الله مايصير اللا اللي
    نتمناه واعتقد انه ريم بيتغير وجهت نظرها الحين لانه ظروف اول كانت غير عن
    ظروف الحين اول كانت ببدايه دراستها والحين خلاص مابقى لها شيء وتخلص
    وكانت ساره بالبيت معها والحين الله يستر عليها ساره تزوجت وبعد بنات عمها
    بيكون زواجهم قريب ويوم تدري بخطبتك لوفاء بعد ومثل ماسمعت منها انه بنت
    ابو فيصل ملكت هي بعد وزواجها بالصيفيه يعني مثل ماتقول ياولدي الحال تغير
    وكل امرك لله ولاتخاف وانا بروح افاتحها بالموضوع الحين وعاين خير .
    عبد الله : ان شاء الله يمه الله ييسر للي فيه خير .
    أم سلطان : زين ياولدي انا بروح اشوف اختك وانت لاتشيل هم .
    عبد الله : زين يمه انا ببدل ملابسي وبنام شوي لانه بكره بقوم بقضي مشاوير .
    أم سلطان : زين ياولدي الله يحفظك .
    وخرجت ام سلطان من عنده متوجه لغرفه ريم وهي محمله بمخاوف ولدها ...















    <blockquote class="postcontent restore ">
    نترك بيت ابو سلطان شوي ونروح لبيت ابو ماجد ..

    وفاء اللي كانت كل بالله انه اليوم خطبه اخوها كانت مره فرحانه وماتدري ان
    الموضوع هذا بيحمل مفاجاءه لها كانت فرحانه وتفكر بماجد وريم وبرايها ماجد
    وريم كانوا متناسبين لبعض لاكبر حد اولا ماجد انسان مرموق وهادي الطبع وريم
    انسانه راقيه وشوي عنيده ماجد وسيم جدا وريم بعد جميله وماحد يقدر ينكر
    الشيء هذا واكثر من مره كانت تسمع تعليقات بنات الكليه عليها وحسدهم على
    جمال ريم ورقتها والاهم من كذا انه عارفه ومتاكده ان ماجد يحب ريم وهذا
    اللي فرحها اكثر لكن بنفس الوقت كانت وفاء متشوقه تعرف وجهت نظر ريم يوم
    تعرف انه اخو اعز صديقاتها خطبها وفاء تعرف ريم زين وكانت ريم كل ماتنخطب
    تجي تقول لوفاء على موضوع الخطبه ووجهت نظرها والحمد لله كل سبب رفضت ريم
    فيه عريس تقدم لها ماكان موجود بماجد وهذا الشيء ريح وفاء كثير لكن مع كذا
    كانت تتمنى تشوف وجه ريم يوم تسمع الخبر وكانت وفاء متحرقه شوق لرجعه اخوها
    حتى تساله عن الموضوع بتفاصيل ومن حماسها ماقدرت تصبر داخل البيت فخرجت
    للحديقه وجلست تنتظرهم بجلسه الحديقه واول ماسمعت صوت الباب قفزت من مكانها
    واقفه وهي تطالع بابوها وماجد يدخلوا وانطلقت مثل الصاروخ تسلم على ابوها
    ...
    وفاء :هلا ابوي حياك نوره البيت هلا ماجد يالله حيوا العريس ها بشروا وش صار ؟؟
    أبو ماجد : هلا يابنيتي الله يحميكي ويحرسك وش مجلسكي هنا لحالك ؟؟
    وفاء :يبه الجو مره حلو الحين وقلت بنزل انتظركم هنا لين تجون .
    أبو ماجد : زين الله يحميكي يابنيتي انا بدش داخل وانتي استلمي اخوكي بالاسئله .
    وفاء : ههههههههههههههههه زين يبه روح ارتاح انت وانا بحاصره باالاسئله .
    أبو ماجد : زين يابنيتي قبل قليلي وين امك ؟؟
    وفاء : داخل يبه تنتظركم بالصاله .
    أبو ماجد : زين خذوا راحتكم هنا وانا بدش اخبرها وش صار .. ( وكان يعني كلامه فعلا بان ياخذوا راحتهم لين مايخبر ام ماجد عن خطوبه عبد الله لوفاء ) .
    وفاء : زين يبه الله يحفظك .
    ودخل ابو ماجد للداخل ولقى فعلا ام ماجد موجوده بالصاله مثل ماخبرته وفاء وجلس يحكي لها عن كل شيء .
    أما وفاء فاول مادخل ابوها مسكت يد اخوها وهي تشده بقوه ناحيه الجلسه بالحديقه .
    وفاء : تعااااااااااااااال ياباشااااااااا خبرني وش صار بالتفصيل وياويلك
    تشيل ولو تفصيل صغير ابي كل التفاصيل ترى متشوووووووووووقه اسمع وش صار .
    ماجد : ههههههههههههههههههههههههههههههه يالملقووووووووووووووووووووووفه كل
    هذا تحترينا بالحديقه علشان تعرفي كل هذه لقافه فيك يابنت ابو ماجد
    هههههههههههههههههههههه.
    وفاء: زززززززززززززززززززززين ملقوفه ملقوفه بس ابي اعرف بالتفاصيل يلا اجلس واحكي .
    ماجد : زين على الاقل ضيفيني والله احس اني على كرسي التحقيق وش ذا ؟؟؟
    وفاء :اووووووووووووووووف ياخي دوبك اكل عندهم ومع كذا ولا يهمك دقيقه بجيب عصير وكيك وماء واجيك بس ها مااوصيك بالتفصيل .
    ماجد : زين .
    وانطلقت وفاء مثل الصاروخ داخل البيت ويوم مرت بالصاله لقت ابوها وامها
    يتكلموا ويوم دخلت سكتوا طالعت فيهم واستغربت لكن مااعطت للامر اهميه لانها
    كانت متشوقه تسمع من ماجد وانطلقت تكمل طريقها للمطبخ وصبت كاستين من عصير
    كوكتيل الفواكه الطبيعي وحطت لهم طبق كبير من الفطائر والكيلك ورجعت
    للحديقه ..
    وفاء :هاجبت لك الضيافه يلا تكلم بسررررررررررررررعه ماجد ماعاد فيني صبر .
    ماجد : زين اسمعي .
    وبدا ماجد يحكي لها كل شيء بالتفصيل وهو يراقب ملامح وجه اخته ويضحك على
    انفعالتها حس انها مثل الطفله الصغيره يوم تحكي لها امها حكايه وتتاثر فيها
    ورغم انه ماجد حكى كل شيء بالتفصيل لوفاء الا انه استثنى جزء خطوبه عبد
    الله لها وترك المهمه هذه لامه تبلغ وفاء فيها وبمقدار الحماس اللي كان
    بوفاء لمعرفه التفاصيل اللي صارت لخطبه ماجد لريم كان هو متشوق لمعرفه رد
    فعل اخته يوم تعرف بالخبر لكن ترك المهم هذه لامه .
    ماجد : وهذا اللي صار ياعزيزتي .
    وفاء : الف مبررررررررررووووووووووك ياخوي ان شاء الله موفق بامر الله
    والله لو يتم الموضوع ان شاء الله برقص بملكتك لين رجولي تطيح .
    ماجد : ههههههههههههه آمين يارب لكن مااعتقد انك بترقصي بملكتي .
    وفاء (ومندهشه من كلام اخوها ) : افاااااااااااا ليش تقول كذا ابو المجد .
    ماجد ( وتنبه لكلامه وحب يعدل الموضوع ) : خخخخخخخخخخخخخخخخخخخ لانك دبيه .
    وفاء : هههههههههههههههههههههه وجععععععععععععععععع ماغيرك الدبي اللي اكل ورايح بعد تطلب اكل ثاني .
    ماجد : أيه بكون عريس وش علي .
    وفاء :ههههههههههههههههههههه الله يوفقك ياخوي .
    ودخلت هي وماجد وهم يضحكوا ويعلقوا على بعض وشوي ام ماجد نادت وفاء بغرفتها
    حتى تقولها عن موضوع خطبه عبد الله لها وبالفعل بلغتها بالموضوع ...
    أم ماجد : ها وش قلتي يابنتيتي ؟؟؟
    وفاء : يمه من صدقك انتي تتكلمي يمه وش فيكي قمت تحوسين ماجد راح يخطب ريم شلون صارت خطبتي ؟؟؟
    أم ماجد : يابنت وش فيكي تحشمي بكلامك انا اقول الصدق !!
    وفاء : يمه والله مو قصدي اعذريني لكن كلامك حاس مخي .
    أم ماجد : يابنيتي اخوكي راح يخطب ريم وبالوقت نفسه تقدم عبد الله لك يعني ماجد وعبد الله خطبوكم انتي وريم بنفس اليوم .
    وفاء ( وهي لازالت متاثره من وقع الخبر ) : يمه وش اللي يصير هذا احس انه شيء عجيب .
    أم ماجد : اصلا ام سلطان قد لمحت لي الاسبوع الماضي بالموضوع وهذه الخطبه الرسميه لك فوش قلتي ؟؟؟
    وفاء : يمه ماقدر اعطيكي راي الحين انا لازم افكر واستخير.
    أم ماجد : أكيد يابنيتي لابد والحين بتركك تفكري لحالك ولا وصلتي لقرار علميني .
    وفاء ( وهي شارده الذهن ) : زين يمه .
    وخرجت ام ماجد من غرفت وفاء وتركت وفاء وراها غارقه بافكارها ..
    جلست وفاء تفكر كيف صار الموضوع وماجد ماذكرلها شيء اكيد انه تعمد الشيء
    هذا وشاف انه انسب له انه امها تقول لها معقوووووول هي وريم بنفس اليوم
    خطوبتهم هذا شيء كانه ضرب من الاحلام او الجنون ماتوقعت اخوها يروح خاطب
    ويرجع وهو خاطب واخته مخطوبه يالله معقوله عبد الله الشاب اللي كل البنات
    يحسدون ريم على انها اخته الشاب الوسيم الرقيق العقلاني يختارها هي من بين
    البنات ويخطبها وجلست تفكر والافكار تموج فيها وهي مابين فرحه ودهشه لكنها
    قررت تترك العاطفه شوي على جنب وتاخذ طريق العقل والدين وقامت توضئت وصلت
    واستخاره ربها وطلبت انه يخير لها الامر الخير بهذا الموضوع واستلقت حاولت
    تنام لكن صعب يوصل النوم لجفونها بليله مثل هذه وعرفت بهذا الوقت كيف بيكون
    شعور ريم الحين رغم انه وفاء مو اول مره تختبر هذا الشعور تقدم لها كثير
    من قبل لكن هذه المره يختلف الوضع تمام هذه المره اللي تقدم لها تحسدها أي
    بنت انها تكون في مكانها الحين وحاولت تنام وتسترخي لكن ماقدرت ..
    </blockquote>


















    <blockquote class="postcontent restore ">
    نترك وفاء شوي ونرجع للحظه اللي كانت ام سلطان متوجه فيها لغرفه ريم ...
    كانت ريم بهذا الوقت مو معطيه اهميه لزياره بيت ابو ماجد لبيتهم وخصوصا
    انها مو اول مره تصير يعني ياكثر مااجتمعوا رجال العائلتين مع بعض اما
    عندهم واما عند بيت ابو ماجد واما بالمزرعه وماكان خاطر على بالها ابدا انه
    هذه المره تختلف عن كل مره هذه المره زيارتهم متعلقه فيها هي وبوفاء وهذا
    شيء كانت تجهله ولهذا السبب كانت مسترخيه تمام وهي تتفرج بالدش على فلم
    رومانسي مصري قديم وكانت متابعه الفلم منتظره الرجال يخلصوا عشاهم ويطلعوا
    وحست انه الرجال انتهوا وطلعوا يوم سمعت باب غرفه عبد الله ينفتح ويتسكر
    فعرفت انهم خرجوا وبعد فتره سمعت صوت طرقات على بابها ..
    ريم ( ودون ماتلتفت للباب ) : ادخل .
    دخلت ام سلطان ولقت بنتها جالسه تتابع الفلم بانسجام .
    ريم (وهي تظن الداخل عبد الله ) : ها عبود كيف كانت سهرتك اليوم ؟؟؟
    أم سلطان : كانت سهرتهم زينه .
    ريم ( ويوم سمعت صوت امها وقفت وتوجهت لامها وباست على راسها ) : هلا يمه معليش ظنيتك عبد الله والله حياكي يمه .
    أم سلطان : زين يابنيتي انا جيت اناديكي تتعشي معي .
    ريم : الله يهديكي يمه كان رسلتي سيدار ليش تتعبين حالك وتطلعي لي .
    أم سلطان : لا يابنيتي انا بعد بغيتك بموضوع مهم .
    ريم : هلا يمه ؟؟؟ خير عسى ماشر ؟؟؟؟
    أم سلطان : ماشر ان شاء الله بس تعالي خلينا نتعشى الحين ونعاين خير وبعدها نتكلم .
    ريم : زين يمه الحين بلحقك بس اطفي التلفزيون والحقك .
    أم سلطان : زين انتظركي بالاسفل .
    وخرجت ام سلطان وحست انه اول خطوه تمام وان بنتها اليوم مزاجها رايق ومو مشغوله بشيء وهذا انسب وقت تفاتح فيه ريم بالموضوع .
    وبالفعل ماهي الا دقائق وكان


    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    رد: قصة يابدايات المحبة يانهايات الوله (قصة سعودية رومانسيه من أرض الواقع ) الجزئ11

    مُساهمة من طرف ALSFAH في الإثنين يوليو 16, 2012 10:36 am

    وين الردود؟؟


    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ

      الوقت/التاريخ الآن هو الثلاثاء نوفمبر 21, 2017 1:24 am