منتدى حرب التتار

السلآم عليكم ورحمة الله وبركاته ،،، وبعد ..

عزيزنا الزآئر نرجو منك التسجيل بالمنتدى ،،،

شكرًا ،،

اي مشآكل تواجهك تفضل بمراسلة صآحب الموقع على الايميل التآلي ~:-

Aalwaleed-@hotmail.com

مع تمنياتنا لكم بالتوفيق :: فريق ادآرة المنتدى ..~/

منتدى حرب التتار يرحب بگم ، منتدى لكل الاعمار والفئات لاتذهب قبل ان تتأكد

مهم للاعضآء الذين لم تصلهم رسآئل التفعيل والزوار الذين يريدون التسجيل. تفعيل الاعضاء يوميا

المواضيع الأخيرة

» طريقة لزيادة عدد الجنووود في السيرفرات السريعة بس
الثلاثاء أغسطس 25, 2015 6:50 pm من طرف n1200

» ثغرة جديدة
الثلاثاء أغسطس 25, 2015 6:48 pm من طرف n1200

» شرح ثغرة v2v
الخميس أغسطس 20, 2015 6:58 pm من طرف جالدك

» سكربت ترافيان كلاسيك بس على حرب التتار
السبت يوليو 25, 2015 2:58 am من طرف العقرب

» إلحقوووووووووو
الجمعة يوليو 17, 2015 1:31 am من طرف hammou999

» سيرفر حلوووووووووو
الجمعة يوليو 17, 2015 1:30 am من طرف hammou999

» سيرفر حلوووووووووو
الجمعة يوليو 17, 2015 1:28 am من طرف hammou999

» http://mtatar.com/ts8/register.php?ref=136
الأحد أبريل 26, 2015 5:43 am من طرف alhooo7k

» http://trvianz.com/tx4/register.php?ref=7
الثلاثاء أبريل 21, 2015 11:29 pm من طرف alhooo7k

» http://mtatar.com/ts7/register.php?ref=78
الإثنين أبريل 20, 2015 6:24 am من طرف alhooo7k


    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ7

    شاطر
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ7

    مُساهمة من طرف ALSFAH في الإثنين يوليو 16, 2012 9:55 am

    يابدايات المحبه يانهايات الوله
    الجزء السابع

    السلام عليكم ورحمه الله وبركاته
    تابعنا في الجزء الماضي الاحداث التى جرت لابطال قصتنا والتغيرات التى طرات
    عليها من تحول نفسيه ريم وحياه ناصر وساره وماجد اللي انقلب حاله راس على
    عقب ولا زال يجهل التطور اللي وصل له وعبد الله اللي تغير تفكيره وبدا
    ينشغل بافكار ماكان يظن انه بيفكر فيها بيوم وبهذه السرعه
    ونتابع معكم هذا الجزء مجريات حيات ابطالنا
    والان اتركم مع الجزء السابع من
    يابدايات المحبه يانهايات الوله
    في بيت أبو سلطان يوم الاربعاء الساعه 12 صباحا بالتحديد في غرفه ريم
    ريم جالسه على الانترنت ومعها وفاء وهديل وشهد اون لاين ومسوين محادثه جماعيه كلهم

    المشاعر في غيابك ذاب فيها كل صوت (ريم):
    بنات عندي لكم خبر جناااااااااااااااااااااااااااااااااااااااااااااااا ااااااااان مرررررررررررررررررررررررره
    سيده العطر (هديل ) : خير ريومه ايش الخبر قوووووووووووووووووووووووولي بسرعه بشرينا ها انخطبتي ؟
    ندى الفجر(وفاء): يؤؤؤؤؤؤؤؤؤؤؤؤؤؤ ريومه عندها خبر يالله سترك عسى مو مصيبه بس هههههههههههههههههههههههههههههههههه
    شهد العسل(شهد) : قولي ريم فديتك كل شيء منك حلو ياحلو!
    المشاعر في غيابك ذاب فيها كل صوت (ريم):
    مالت عليكي هديل قال انخطبت عساكي بخبطه براسك تفوقك قولي آمين!
    سيده العطر: آمين قول آمين عساك تحبني وتموت فيني قول آمين خخخخخخخخخخخخخخخخخخ
    المشاعر في غيابك ذاب فيها كل صوت : خخخخخخخخخخخخخ مالت عليكي ياخبله وربي انك خبله المهم بقول !
    شهد العسل : يلا ريومه قولي بسرعه وربي تركت كل شيء بيدي علشان انتبه لك يلا ؟
    ندى الفجر : يلااااااااااااا يابنت خلصينا قولي
    المشاعر في غيابك ذاب فيها كل صوت : يالله طيب يالعجولين ترجوني شوي حسسوني اني مهمه ههههههههههههههههههههههه
    سيده العطر : ياليل اللييييييييييييييييل على السماجه قولي الله يرجك ذبحتينا حشى ولا جورج بوش يقول كلمه قدام مجلس الكونجرس!!
    المشاعر في غيابك ذاب فيها كل صوت : ماااااااااااااااالت عليكي اتخسىىىىىىى والله ماعاد الا ذا تشبهيني فيه؟
    شهد العسل : يالله عليكم يعني لازم المناقره الحين يلا قولي ريم شوقتينا والله !!
    المشاعر في غيابك ذاب فيها كل صوت : طيب بقول بس ركزوا معي ترى اللي بقوله مفاجاءه وفاء انتي معي؟
    ندى الفجر : معاكي حبيبتي قولي!
    المشاعر في غيابك ذاب فيها كل صوت : بنات انا بعد بكره بسافر الشـــــــــــرقــــــــــــــــــيــــــــــــــة !!!
    شهد العسل : من جدددددددددددددددددددددد أحللللللللللللللللللللللللفي !!
    ندى الفجر : ماشاء الله تبارك الله يخص يالنذاله بتروحي وتتركينا مع هذولا لكشرات تهي تهي
    سيده العطر : أحلللللللللللللللللللى حبيبي هواء شرقاوي ههههههههههههههههههههههههه
    المشاعر في غيابك ذاب فيها كل صوت : مااااااااااالت عليكي ان شاء الله
    ههههههههههههههههههههههههه يا هدوله ايش حبيبي هوا شرقاوي والله انك خالعه
    ها وفاء ترافقيني ولا اقولك مالك داعي بس بالسفر انا بسافر افتك من وجوهكم
    ههههههههههههههههههههههههههههه .
    ندى الفجر : يؤ يؤ يؤ يؤ طيب طيب هين يابنت ابو محمد انا الحين اللي صار مالي داعي خلاص زعلت !
    المشاعر في غيابك ذاب فيها كل صوت : ههههههههههههههههههههههههههههههههههههههههههههه لا وفاء حبوبتي انتي عيوني لاتزعلين امازحك .
    شهد العسل : بس والله من جد فرحت لكي ريومه من جد فرحت خليكي تغيري جو والله نفسيتك هذه الايام ماعجبتني مره
    المشاعر في غيابك ذاب فيها كل صوت : الحمد لله والله اني فرحت يوم قال لي سلطان على الخبريه ياعسى الله لا يحرمني منهم .
    شهد العسل : آمين .
    ندى الفجر : آآآآآآآآآآآآآمممممممممممممممممممممين
    سيده العطر : أمــــــــــــــيـــــــــــن
    المشاعر في غيابك ذاب فيها كل صوت : صدق هديل ايش سويتي باللي في المنتدى ذاك ؟؟
    سيده العطر : الله يبلاه ان شاء الله غثني والله انه سفيه مره !!!
    ندى الفجر : وليش مابلغتي عنه المدير العام ؟؟
    سيده العطر : لو بلغت المدير العام بيفكرني مااقدر ارد عليه يعني بيستضعفني ومو صعب انه يرجع يسجل باسم ثاني ويغثني 1!!
    شهد العسل : طيب ايش سويتي ؟؟
    سيده العطر : قفلت الرسائل الخاصه وكمان الارسال البريدي بطل استقبل من احد !!
    المشاعر في غيباك ذاب فيها كل صوت : والله احسن لك مالت عليه بس سخيف .
    سيده العطر : أي والله
    المشاعر في غيابك ذاب فيها كل صوت : أوكي بنات انا استاذنكم الحين بروح انام !!
    شهد العسل : وين بنت عمو بدري ؟؟؟
    المشاعر في غيابك ذاب فيها كل صوت : من عمرك حياتي بس والله فيني النوم مره .
    سيده العطر : نوم العوافي ريمو .
    المشاعر في غيابك ذاب فيها كل صوت : الله يعافيكي يارب صدق وفاء وين اللي قلتي بتعرفينا عليها ؟؟
    ندى الفجر : والله مادري شفيها تاخرت مع انها دائما تكون بهذا الوقت اون لاين .
    المشاعر في غيابك ذاب فيها كل صوت : اها خساره كان ودي اشوفها يلا ملحوقه
    بشوفها ان شاء الله بكره لما اشبك لانه ضروري اشوفكم قبل اسافر .
    ندى الفجر : بامر الله تصبحي على خير حبيبتي .
    المشاعر في غيابك: وانتي من اهله عيوني وانتم يالخبلات ماتبغوا تتعلموا من وفاء شوي الرقه والرد .
    شهد العسل : خخخخخخخخخخخخخخ الله يرجك حرام عليكي والله كنت ابي اقولك كش عليكي ودام ظنك فينا كذا مارح اقول .
    سيده العطر : وي وي وي اعوذ بالله يابنت ابو محمد اكلتينا بلسانك عاد من العداله نتشبه بوفاء .
    ندى الفجر : اقول هش انتي وياها لكم الشرف والله تتشبهون فيني ياحليلي بسم الله علي من عيونكم الله أكبر .
    سيده العطر : خخخخخخخخخخخخخخخ ايه هين طالعي في المرايا وارمي لنفسك موزه .
    شهد العسل : اوووووووووووووووف قووووووووووووووووووويه هههههههههههههههههههههههههههههههههههههههههههههههههه هههههههههههههههههههههه
    المشاعر في غيابك ذاب فيها كل صوت : يامال االمحكه ان شاء الله ليش تتحرشون
    بوافي كش عليكم اقول يلا بس مالت مابي منكم شيء خخخخخخخخخ بالناقص .
    سيده العطر : ايه باب يسد مايرد .
    ندى الفجر : ايه هين يابنت ابو صالح مردوده
    شهد العسل: مردوده مردوده والله ماخليها هههههههههههههههههههههههههههه.
    ندى الفجر : بالله انتي على الرصيف لو سمحتي .
    المشاعر في غيابك ذاب فيها كل صوت : هههههههههههههههه أحلى قويه وفاء ايوه اعطيهم ولا تخلي يلا اشوفكم على خير .


    وتخرج ريم من الماسنجر قبل ماتقراء أي تعليق لانها تدري لو عطيتهم فرصه
    مارح يتركوها لين الفجر طالعت بالساعه لقتها الساعه 2 كان فيها تعب وارهاق
    ورغبه بالنوم بس كان حماسها للسفر مخليها تفكر وماتقدر تنام طفت النور
    وراحت لفراشها شوي شافت من تحت الباب نور غرفة ساره تولع ففكرت انها تروح
    تتكلم معها شوي وفعلا قامت من فراشها وراحت لغرفه ساره
    (عند غرفه ساره )

    ساره : مين ؟؟
    ريم : ساره هذه انا ريم ممكن تفتحي بتكلم معك شوي !!
    ساره : هلا ريم ادخلي عيوني الباب مفتوح .
    وتدخل ريم وتسكرالباب وراها
    ريم : ها ساره كيفك مستانسه مع ناصر ؟
    ساره : الحمد لله ريومه ماتتصورين ناصر بعد قلبي ايش يسوي لي بس يبغاني راضيه الله لا يحرمني منه
    ريم : عسى السعاده والهناء دربكم يارب .
    ساره : يارب وعقبالك ياريم تعيشي السعاده اللي انا عايشاها .
    ريم ( وتضايقت شوي ) : ايوه السعاده هذه خلتك تنسي اهلك لا شكرا انا ماابغى
    اسير سعيده وانسى الناس اللي احبهم علشان شخص واحد حتى لو كان هذا الشخص
    احبه وكان زوجي .
    ساره ( وانصدمت من كلام ريم ) : ريم ايش تقولي ؟؟؟ معقوله هذا ظنك وتفكيرك فيني اني نسيتك ياريم لا ياريم انتي غلطانه .
    ريم ( وصوتها شوي مخنوق وفيها العبره بس متماسكه ) : ياساره تقدري تنكري
    انك ماعدتي مثل اول تقدري تنكري انك تغيرتي يعني ساره اللي الحين هي ساره
    اللي كانت قبل الملكه صح ولا لا ياساره وينك ووين ايامنا ووين سهرنا وضحكنا
    خلاص ياساره كله هذا صار من الماضي وصار لك حياه خاصه فيكي انتي واحنا
    خرجنا من عالمك وانتهى دورنا .
    ساره : انا ماني قادره اصدق ان هذا الكلام يطلع من اختي ريم اختي ريم اللي
    عارفتني زين وعارفه انه انا لايمكن انسى اهلي وعارفه انه مهما عشت بسعاده
    مع ناصر اهلي مارح انساهم اهلي اللي ربوني وتعبوا علي وصرفوا وكبروني
    وعلموني وخلوني انسانه راقيه ومثقفه ظنك بعد هذا كله انساهم ؟؟؟ ياريم
    ياحبيبتي انا يمكن تغيرت شوي انا ماانكر وانشغلت عنك وماعدت معك مثل اول
    لكن هذا لان كوني واثقه انك راح تقدري انه انا دخلت عالم جديد علي محتاجتكم
    فيه اكثر مماكنت اول عالم الزوجيه عالم مااعرفه محتاجه احد يكون معي وجنبي
    مو لاني انشغلت عنكم صرت استغنيت عنكم لا ياريم بالع**** تم التعديل من قبل Adminانا كل يوم من
    الايام هذه اللي فاضله لي معكم احتاجكم اكثر واكثر على بالك ياريم اني
    فرحانه ومبسوطه وماني زعلانه اني راح افارقكم لا ياريم بالع**** تم التعديل من قبل Adminصح انه ناصر
    ماقصر علي بشيء ومحسسني اني ملكت عالمه بس صدقيني ياريم فيني خوف ويمكن
    خوفي هذا مو ظاهر لكم بس هذه الحقيقه ياريم صدقيني يااختي صدقيني يااغلى
    هديه من امي وابوي.
    ريم ( وبعد كلام ساره هذه ماقدرت تمسك دموعها ): آسفه ياساره اني ظنيت فيكي
    بس ياساره صدقني انا كنت مفتقدتك مره وكنت حاسه اني وحيده وبدات افكر هذا
    وانتي معنا بالبيت كيف لو بعدتي عنا سامحيني يااغلى اخت .
    ساره ( وضمت اختها مثل ماكانوا صغار ) : لا ياحبيبتي انا عارفه شعورك
    وصدقيني مقدراه وصدقيني ياريم انا افتخر فيكي حيل لانك انتي اخت اللي
    تتمناها أي اخت كبيره انتي طيبه ورقيقه وحنونه وبكره ان شاء الله الله
    يرزقك بانسان طيب وتفرحي معه وتسعدي .
    ريم ( وابتسمت لكلام اختها ) : ان شاء الله الله يوفقك ياساره ويسعدك .
    ساره : وانتي بعد حبيبتي .
    ريم : سارونه دريتي اننا بنسافر الشرقيه ؟؟؟
    ساره : ايوه قالت لي امي والله اني مبسوطه مره بنروح نزور الاماكن اللي
    زرناها انا وانتي واحنا صغار ونزور عمتي بعد ونتسوق راح نطلع كل اللي
    براسنا هناك ان شاء الله .
    ريم : هههههههههههههههههههههه ايوه مثل الايام القديمه يالله والله وناسه .
    ساره: أكيد صدق ريم تعالي انا بسالك مين اللي طلع بوجهك يوم ملكتي او
    بالاصح انتي دخلتي عنده وكلمتي تظني عبد الله ها انا من فتره ابي اسالك بس
    ماتذكرت الا الحين ؟
    ريم( واستحت وضحكت ضحكه محرجه ) : والله مادري ياساره صدقني انا ليومك هذا مادري مين هو وبعد احس اني متفشله حيل .
    ساره : ههههههههههههههههههه عادي بس شكلك انتي خبصتيها .
    ريم : ههههههههههههههههههههه حيل والله بس تدرين هو بعد تلبك وخجل .
    ساره: يعني ماعرفتي مين هو ابد ؟
    ريم : لا والله ماعرفت بس يومها ماكان مع ناصر وعبدالله وسلطان الا فيصل وماجد فاكيد انه واحد منهم يافيصل ياماجد !
    ساره : اها فيصل اخو هديل مو كذا وماجد اخو وفاء صح !!
    ريم : عليكي نور هذولا هم .
    ساره : بالله حكيني عن الموقف بالتفصيل
    ريم : ههههههههههههههههههههه اوكي ادري فيكي تحبي السوالف ذي .
    ساره : هههههههههههههههههههه ايه والله .
    وجلست ريم وبدات تحكي ساره عن الموقف وهي تضحك شوي وتطالع بوجه ساره شوي .
    اما ساره فكانت تضحك وتراقب كل حركه من حركات ريم وكانها تحاول تشوف ان
    كانت ريم تاثرت من الموقف او لا لكن اللي ماتعرفه ساره انه ريم كان الموقف
    محرج لها وسريع مره وبعد هي عندها فضول تعرف مين هو بس ماتقدر تجي بعد هذه
    الفتره كلها تسال وفاء وهديل مين اللي طلع بوجهها وان كانوا سمعوا اخوانهم
    قالوا او ان اخوانهم احرجوا يقولوا لهم لانه للان مو عارفه هو ماجد ولا
    فيصل بس هي ابدا مانسيت شكله ولا ردت فعله يمكن الموقف كان سريع لكن ترك
    اثر بريم وريم بينها وبين نفسها اعترفت لنفسها لاول مره انه الموقف هز فيها
    شوي وبعد حست بشوي من الغرور لانها حست رغم سرعه الموقف انه كان مابين
    نظرات الذهول والحرج على وجه الشاب اللي شافته نظرت اعجاب واضحه صحيح انه
    المفروض ماتفكر كذا وانها تخجل بهذا الشيء وهذا الشيء اللي خبته ريم عن
    ساره وحاولت تخفي عن الجميع حتى عن نفسها لكن هذا هو غرور الانثى وغريزتها
    انها ماتقدر تمنع الشعور باعجاب الغير فيها ومع كذا ريم ماسمحت لهذا الشعور
    يظهر او ياثر او حتى يجعلها تسوي شيء يتجاوز او يخل بالشرع او الدين وكانت
    كل ماتحس وتتذكر انه حصل الموقف هذا وهذا الشخص شافها بزينتها كلها تتذكر
    قول الرسول صلى الله عليه وسلم ( النظره الاولى لك والثانيه عليك ) وهذا
    كان يهون عليها شوي الموقف وقضت ريم وساره الليل بالسواليف وماحسوا بنفسهم
    الا والفجر ياذن .
    ساره : يؤؤؤؤؤؤؤؤؤ الفجر اذن ياريموه والمشكله مادري كيف بيمديني انام واقوم اصحي ناصر على الدوام الساعه 8 .
    ريم : ايوه والله ماحسينا بالوقت بس استانست والله معكي .
    ساره : يابعد قلبي وانا بعد ريومه بس وش اسوي مع ناصر الحين ؟؟
    ريم : مو مشكله انا وانتي بنضبط الجوال وان صحيت ولقيتك نايمه بصحيكي تصحينه اوكي .
    ساره : اوكي عيوني الله لايحرمني منك .
    ريم : اوكي انا بروح اصلي تصبحي على خير .
    ساره : وانتي من اهله .
    وراحت كل واحده منهم لدروه المياه الخاصه بغرفتها الله يكرم القارئين تتوضى علشان صلاه الفجر
    وبدات ريم تصلي الفجر ونفسيتها مرتاحه لاول مره من فتره طويله من بعد ملكه
    ساره وحست ان الله هداء سريرتها وصارت نفسيتها احسن بكثير من اول وكانت
    تفكر بالمستقبل وياترى ايش بيصير وايش يخبي لها
    بالفعل ياريم ماحد يدري ولا يعرف ايش الاقدار تجيب له في محطات حياته من
    خبر مفرح لمحزن بس هذه الحياه وهذه سنتها يوم سعاده يوم تعاسه بس المهم انه
    نتعود انه نضيف على الايام التعيسه لحظات وذكريات تساعدنا بتجاوز الالم
    وان نبحث عن السعاده والامل بابسط الاشياء اللي حولنا . وبعد الصلاه جلست
    ريم وقراءت شوي قران لي غالبها النعاس ونامت وهي مطمئنه وتحلم بالمستقبل
    اللي تتمناه مشرق .





    يوم الخميس كان هو اليوم اللي يسبق
    السفر وكان الكل مشغول للترتيب للسفر وساره وريم كل مايتقابلوا يتبادلوا
    الابتسامات والمخططات لكيفيه قضاء هذه الرحله اللي بتكون تقريبا اخر رحله
    تجمع الاختين قبل زواج ساره وفعلا مضى يوم الخميس بالتجهيزات بسرعه لين
    الساعه 6 المغرب
    (في الصاله )

    ريم : ابوي والله انك ماتصدق قد ايش متحمسه لهذه السفره .
    عبد الله : والله باين عليكي يافليلسوفه شوي وتطرين من الكرسي يركدو بس .
    ريم : يؤؤؤؤؤؤؤؤؤ ياعبودي شفيك علي يعني يصعب عليك تشوفني مستانسه .
    عبد الله : افاااااااااااا عليكي يعني تبين تزعليني عليكي اليوم لا والله اني مستانس انك مبسوطه .
    ابو سلطان : الله يحفظكم بس انتم كذا دوم تتناقرون ولا ذا زود محبه .
    ريم : ههههههههههههههه زود محبه يبه ياجعلني مااخلى منكم يارب .
    ام سلطان : ريومه وين اختك زوجه بيجي لها وهي بعدها مانزلت .
    ريم : لا يمه ماتدرين اليوم ساره (شطفت ) ناصر !!!
    ام سلطان ( ومافهمت الكلمه اللي قالتها ريم ) : يابنت وش تقولين انتي والله ماافهم على كلامك .
    عبد الله : ها ها ها ها ها ها الله يرجك ريم على بالك الوالده الله يحفظها بتفهم هذه المصطلحات الشبابيه الحين .
    ريم : ههههههههههههههههههههههههه آسفه يمه انا اقصد انه ساره اليوم اعتذرت لناصر انه يزورها اليوم لانها قالت تبي تجهز الاغراض .
    ام سلطان : الحمد لله والشكر يعني ماكان تقدري تقولين كذا من الاول الا يعني لازم تتعبين قلبي جيل أخر زمن بس .
    ابو سلطان : ههههههههه عفيه عليكي ام سلطان يابعدي انتي ايه والله هذا الجيل التعبان هذا .
    عبد الله : اااااااافاااااااااااا يابو سلطان حنا جيل تعبان لا ماهقيتها منك .
    ابو سلطان : اقول امممممممش انت تكلمني كانك تكلم واحد من اصدقائك بالاستراحه .
    عبد الله : ههههههههههههههههههه لا يبه انت على العين والراس يبه .
    ابو سلطان : زين قلي وش اخبار شلتك ذي .
    عبد الله : والله يبه شلتنا تفككت تقريبا .
    ابو سلطان : ليه عسى ماشر .
    عبد الله : كله من الزواج يبه شوف سلطان تزوج وبطل يجينا وبس مع زوجته
    وناصر من يوم ملك على ساره وهو شاطفنا يه يه عفوا اقصد مطنشنا وفيصل تزوج
    وبشهر العسل وسلمان بحفر الباطن ومابقى الا انا وماجد وفهد كل فتره نروح
    ندج واحيانا يمر علينا سلطان وغالبا لا .
    ابو سلطان : والله الزواج ستر ويلمكم بعد .
    عبد الله : يه يه يه يبه وش يلمنا يعني حنا مبعثرين .
    ابوسلطان : لاتتعب قلبي ياولد انت تدري وش اقصد .
    عبد الله : ههههههههههههههههه ادري يايبه .
    ام سلطان : وانت ان شاء الله متى بتعرس ولا مالك نيه ؟؟؟؟؟؟؟؟؟
    عبد الله ( وتغير ملامح وجهه وبداخله اضاء شيء من كلام امه ذكرى مضت من عده
    اشهر ذكرى وفاء ) : يصير خير يمه ان شاء الله بالوقت المناسب .
    ام سلطان : ياولدي متى بتعرس يوم تشيب وينحني ظهرك تزوج بدري حتى تجيب لك ولد وتربي وانت بعز شبابك ويسندك بكبرك مثل ابوك .
    عبد الله : يمه اوعدك ان شاء الله انه الله بيسر وقريب بتخطبين لي .
    ام سلطان : وليش مو من الحين ياولدي وش ينقصك .
    عبد الله : يمه لو ابي اتزوج وين بسكنها لازم شقه لها وانا مارح اخلي ابوي يدفعها لي انا لازم اتعب واشقى حتى اكون قدر المسؤوليه .
    ام سلطان : ياولدي مافيها شيء لو ساعدك ابوك .
    عبد الله : لا يمه مافيه شيء لو انه ساعدني شوي بالفرح وكذا لكن يساعدني
    بالفرح والشقه بعد هذه ماارضاها يمه لازم اتعب علشان احس بقيمه الانسانه
    اللي اخذتها وهي بعد تحس بكياني وذاتي حتى تحترمني فهمتيني يمه .
    ام سلطان : ايه ياولدي فهمتك لكن متى ؟؟ ياولدي .
    عبد الله : يمه انا الحمد لله معي بالبنك مبلغ ممتاز ويوم احس اني كونت المبلغ تمام بروح اخليكي تخطبين لي .
    ام سلطان : الله يهديك ياولدي لو تخلي ابوك يساعدك وحنا مو ناقصا شيء مقتدرين وكل شيء .
    عبد الله : يمه تكفين مابي اعيد اللي قلته بس اوعدك قريب يمه قريب . قالها
    وقام من المجلس وهو الافكار تودي به وتجيب صار يقول لنفسه كيف وعد امه انه
    قريب فعلا هذا تفكير غريب عنه عبد الله اللي كان معارض الزواج وشايل الفكره
    من راسه يتغير رايه كذا فعلا دنيا عجيبه وخطر على بالله ماجد بهذه اللحظه
    من زمان ماشافه الدب ذا وينه مختفي طلع جواله وهو يركب السياره وبعد
    مااستقربالسياره بدا يدور رقم ماجد بجواله ويتصل على ماجد .


    في هذا الوقت في بيت أبو ماجد
    (في الصاله )
    ام ماجد : وفاء يابنيتي متى بيجي فستانك ذا اللي عند المشغل بعده ماخلص ؟؟
    وفاء : لا يمه ماخلص مادري اشبها ماريتا اول مره تسوي فيني كذا والله بدات
    اندم اني وديت القماش الغالي لها لتني اشتريت لي جاهز احسن لي .
    أم ماجد : يمه مابقى على الزواج شيء لازم تجهزين كل شيء .
    وفاء (بضيق ) : ادري يمه !!
    ام ماجد :زين يابنيتي انا بروح اشوف العشاء وش صار فيه .
    وفاء :زين يمه .
    وطلعت ام ماجد للمطبخ وتركت وفاء بافكارها
    وفاء حست ان هذه الاجازه كانت اسواء اجازه مرة عليها كانت متامله تكون
    الاجازه هذه احسن وخصوصا انها تعبت هذه السنه مره بالدراسه وكان الدكاتره
    شوي قاسين على قسمهم وماصدقت انها نجحت في موادها كلها وكانت حاطه مخطط
    لهذه الاجازه انها تخرج هي وريم وهديل كالعاده ويسوا جمعاتهم لكن من يوم
    بدات الاجازه ماشافت ريم الا يوم ملكت ساره ويوم جاءت يوم العزومه وبعدها
    ماعادت شافتها صدق ان ريم ماتقصر من فتره والثانيه تتصل عليها بس بعد مو
    مثل مايجلسوا ويتكلموا ويجتمعوا وحتى هديل سافرت مع امها وابوها لتركيا ولا
    راح ترجع الا قبل زواج ساره بيوم او اثنين وريم بتسافر بكره الشرقيه وسلوى
    وشهد ماتشوفهم الا نادرا فكانت حاسه بالملل حيل مسكت الجوال تبي تكلم ريم
    بس تذكره ان ريم بتكون مشغوله للتجهيز للسفر .
    وفاء : اوف ياربي وش الاجازه الممله هذه وين اروح ووين اجي يابغرفتي على الجهاز ياهنا بالصاله ملل اعوذ بالله .
    وفكرت شوي وقررت تروح تشوف جهازها وبالفعل طلعت لغرفتها وجلست على النت
    ودخلت مواقع بطاقات ورسلت لكل اللي تعرفهم وبعدها سكرت الجهاز ونزلت مره
    ثانيه للصاله ومالقت فيها احد فقررت تروح تشوف امها وش تسوي .
    (في المطبخ )

    وفاء: يمه تبين اساعدك بشيء ؟
    ام ماجد : لا يابنيتي تسلمين يابعدي 1
    وفاء: اوف يمه والله مليت وش الاجازه هذه .
    ام ماجد : خير يابنيتي وش فييك ؟؟؟
    وفاء: ملل يمه ماقدر اروح عند احد ولا احد يجيني وروتين ممل وش اسوي يمه مليت .
    ام ماجد: بكره بيجي جواز ساره وتنبسطين وتنشغلي بالتجهيز له ياعسى يرزقك الله بالزوج الصالح .
    وفاء: يمه وينا ووين زواج ساره عساكي سالمه .
    ام ماجد : لو انك وافقتي على اللي تقدموا لكي من قبل كان الحين ببيتك مع زوجك واولادك او على الاقل مع زوجك ومسافرين .
    وفاء (وتضايقت من كلام امها ) :يمه يعني الحين الزواج هو الحل الوحيد وبعدين يمه بالله وش دخل الزواج اقولك ملانه تقولين زواج ؟؟
    ام ماجد : لو انك زوجه وام مارح تحسين بهذا الملل.
    وفاء : يمه انا مابي اتزوج علشان ترتاحين .
    ام ماجد : وش ماتبي تتزوجين في بنت ماتبي تتزوج وتكون ام وزوجه لا يابنيتي
    وان كان انا وابوك تاركينك على راحتك هذا مو معاناه اننا موافقينك على رايك
    الله يهديكي ويصلحكي انتي واخوك .
    وفاء : آمين يمه صدق وين ماجد مااشوفه ؟؟؟
    ام ماجد : والله مادري بعد هو حاله متغير وخرج من بعد الصلاه ماشفته .
    وفاء : زين يمه انا بروح غرفتي لابغيتي شيء ناديني .
    ام ماجد : زين يايمه ياعسى الله يهديكي يابنيتي.

    في هذه الاثناء كان ماجد رايح يجيب اوراق من عند زميل له وهو نازل من سيارته ويبغىيدخل بيته جاه اتصال عبد الله .
    عبد الله : الوووووووووووووووووووو.
    ماجد : هــــــــــــــلا وغــــــــــــــلا
    عبد الله : السلام عليكم ورحمه الله وبركاته .
    ماجد : وعليكم السلام ورحمه الله وبركاته .
    عبد الله : وينك يالداج ماعاد نشوفك ؟؟؟
    ماجد : خخخخخخخخخخ عبد الله ماتبطل سوالفك والله بهذه الدنيا وين بكون وبعدين انا لو اهمك كان سالت عني .
    عبد الله : ياربي قال يعنني اقول لتكون خطيبتي بس ؟؟؟
    ماجد : خخخخخخخخخخخخخخ والله ياليت كان طلعت عيونك وربي .
    عبد الله : أعوذ بالله منك ياخي ياعسى يرزقك بواحدة تجننك .
    ماجد سكت وتذكر ريم وكانه يقول بنفسه وانا ناقصني ياعبد الله مو اللي تقول
    عنه صابني من فتره ولا وش غير حالي عن ماكنت وشاغل تفكيري وباللي وخرجت من
    ماجد زفره قويه وكانه نسي انه عبد الله على الخط معه وكانه بالزفره هذه
    ينفض همومه .
    عبد الله : هي ماجد يابو الشباب اشبك ؟؟؟ وين رحت ووش الزفره هذه والله حرام حالتك مستعصيه شده وتزول خخخخخخخخخخ .
    ماجد : تتريق انت ووجهك وبعدين وش شده وتزول ؟؟؟
    عبد الله : مادري عنك انت وش فهمتني ؟؟
    ماجد : عبووووووووووود بالله روقني من التعليق !!!
    عبد الله : خخخخخخخخخخخ انا ماقلت شيء ياشاطر لكن انت فضحت حالك !!!
    ماجد (وتنبه لكلمته ) : اقول انت وينك ؟
    عبد الله : لاتصرف الموضوع قول مين اللي شاغل باللك يالشاطر بس شاطر تتفلسف على ناصر يوم كان مملك على ساره !
    ماجد : هههههههههههههههههه تكفون يااصل العرب ونسيت وش قلت انت !!
    عبد الله : اها يعني تعترف في من شغل باللللللللللللللللللك .
    ماجد : (ويبغى يقفل الموضوع ويصرفه لانه حس انه عبد الله لو استمر بسؤاله
    راح يكشف اللي بنفسه له وخصوص ان عبد الله صديق الطفوله والعمر ومايدري وش
    بيكون موقفه لو عرف اللي ببال ماجد ولا رده فعله يمكن تصير مشكله وهو مو
    مستعد يضحي بالصداقه وغير كذا هو وكل رب العالمين بموضوعه ) :عبدالله وينك
    انت لانه انا الحين بالشارع واقف عند بيتنا ؟؟
    عبد الله (وحس برغبه ماجد وفعلا استجاب لها وغير الموضوع ) :والله يالحبيب
    انا بسيارتي الحين كنت ناوي اروح اشوف قطع غيار لسياره سلطان لانه وصاني
    اشوف له وبعد بنزل اشوف لي جوال جديد ياخي جوالي راح فيها .
    ماجد : زين عبود شرايك تمر علي ونروح سوا لانه انا بعد والله بروح اشوف
    ليمستلزمات للجوال وبعد للانسه وفاء بشوف لها جوال لانه لجتني لاني وعدتها
    اشتري لها هديه جوال .
    عبد الله (وبنفسه يقول يسعدها هالوفاء تتدلل على اخوها الله يحفظها يارب ) : زين ياخي خليها تطلب من اخوها اللي مالها غيره .
    ماجد : ادري مو هي تمسكني من هذه اليد اللي توجعني والله ان البنات يضحكون علينا بكلمتين وحنا مهابيل على طول نصدق .
    عبد لله : خخخخخخخخخخخخ تكلم عن نفسك انا لا .
    ماجد : ايه هين نشوف بكره يابدر الدجا يوم تشوف المدام وش تسوي معها !!
    عبد الله : خخخخخخخخخ اقول والله انك رجه وبعدين وقت يجي حينها الله يعينها
    وبعدين بيصير واجب علي اللبي طلباتها لانها بتكون مسؤوله مني فهمت يااهبل .
    ماجد : اها طيب ياذكي اقول بس مرني انا بطلع اغير ملابسي واجي اوكي .
    عبد الله : أوكي دقائق وانا عندك .
    ماجد : تمام اجل سي يو .
    عبد الله : سي يو.

    ودخل ماجد البيت وراح غسل وغير ملابسه بسرعه حتى مايتاخر على عبد الله وحط
    اوراق زميله بالدرج وقبل لا ينزل راح عند غرفه وفاء وطق الباب.
    وفاء : ادخل
    ماجد : سلام كيفك يادبيه ؟؟؟
    وفاء : دبيه بعينك ههههههههههههههه. تمام كيفك انت ؟
    ماجد : تمام اقول وافي انا مستعجل لانه عبد الله بيمرني قولي وش نوع الجوال اللي تبينه ؟
    وفاء : والله مادري اختار على ذوقك هذه هديه منك والهديه بقيمه صاحبها .
    ماجد : خخخخخخخخخ يالللللللللللئيمه تقولين كذا حتى اجيب لكي نوع غالي .
    وفاء :هههههههههههههه والله انت الجيد وانا اللي استاهل وبعدين ياخي دافع دافع ومشتري مشتري جيب شيء عليه القيمه .
    ماجد : فديت عيونك ولا يهمك خيتو احلى جهاز للبنات بيكون عندك .
    وفاء : الله لايحرمني خيو
    ماجد : زين انا بنزل لانه تاخرت تبغي شيء ثاني ؟؟
    وفاء : لا انت مارح تتعشى معنا ؟؟
    ماجد : لا باخذ الدلخ عبود وبنروح نتعشى ويمكن نمر على ناصر بعد .
    وفاء : زين بالتوفيق .
    ماجد : زين سلام .
    وفاء : وعليكم السلام .
    وخرج ماجد من البيت
    وركب بالسياره مع عبد الله .

    (في الفيصليه)

    البائع : هلا ومرحبا حياكم الله بالزبائنا المحترمين كيفك أستاذ ماجد ؟؟
    ماجد: تمام بخير كيفك ياحسن وكيف الشغل معك ؟
    حسن : بخير أستاذ ماجد بايش تحب اخدمك ؟
    ماجد : والله ياحسن انا جاي اليوم بشتري من عندك جوال نسائي بس يكون ممتاز ومميزاته حلوه ومناسبه !
    حسن : بكميرا او بدون ؟؟
    ماجد: اممممممممم والله مادري عبد الله شرايك ؟؟
    عبد الله : ............................
    ماجد :عبد الله شفيك ؟
    عبد الله : ....................
    ماجد واستغرب شفيه يكلم عبد الله ومايرد وشوي مسك كتف عبد الله وهزه .
    عبد الله : هااااااااااا شفيك تهزني ؟
    ماجد : سلامات يالاخو لي ساعه اكلمك وتقول شفيني اهزك ؟
    عبد الله : معليش كنت افكر ؟
    ماجد ( وهو مستغرب وش اللي شاغل بال عبد الله ) : زين قلي وش اشتري بكميرا ولا بدون ؟
    عبد الله : والله مادري بس كل الموديلات النازله الحين والحلوه بكميرا !
    ماجد : لا وبعد الأخت الفاضله تقول قيمه الهديه بقيمه جايبها يعني لو ماجبت شيء زين بتسفلني !!
    عبد الله : خخخخخخخخخخخخخخخخخخخخخخخخ أحسن ياليتها تهزئك !
    ماجد : مالت لو اختك ماقلت كذا !!
    عبد الله : الحمد لله ماعمرهم طلبوا شيء وبخلت عليهم ادفع ياخي انت ماوراك لا مصاريف ولا شيء علشان نعذرك !!!
    ماجد : لا بالله مع وجهك ليش على باللك بظل طول عمري كذا !!
    حسن : احم احم ايش قررت أستاذ ماجد ؟
    ماجد وتنبه انه نسى وجود البائع والموضوع اللي جاء علشانه : اوكي حسن دقيقه بس معي !!
    حسن : أوكي . والتفت لزبائن ثانين
    عبد الله : ها وش بتختار .
    ماجد : مادري .
    عبد الله : اسمع هي جوالها اللي معها بكميرا ولا بدون ؟؟
    ماجد : لا بدون !!
    عبد الله : زين اسمع !
    ماجد: هلا اعطيني افكارك ياابو الافكار !!
    عبد الله : شوف بما ان هي عندها جوال بدون كاميرا خلاص انت اشتري لها جوال
    بكميرا ومعه اكسسواراته ويصير تقدر تبدل بين الاثنين وتصير هديتك غاليه لها
    وبقيمتها مثل ماقالت لك ها وش رايك ؟؟
    ماجد : ياعساك سالم ان شاء الله والله جبتها ومابغت تجي زين بشتري لها بس وش اشتري (الباندا ولا الدمعه ولا الفارس ولا شنو)؟
    عبد الله : الفارس شكله رجالي حيل ولكن لو اشتريت له كفرات واكسسورات
    نسائيه ممكن يكون مقبول وبعدين الفارس جهاز مقبول حاليا ومرغوب حتى انا
    ببدل جهازي واشتريه .
    ماجد : زين على بركه الله بشتريه لها .
    عبد الله : زين . ويقول بباله (ياعسى يعجبك راي انتي بعد ياوفاء )
    ماجد : اوكي حسن عطنا جوال الفارس ولاعليك امر وشوف لنا كفرات واسكورات نسائيه .
    حسن : أوكي أستاذ ماجد ثواني بس ويكون عندك كل شيء .
    ماجد : مشكور حسن . عبد الله انت بتبدل جهازك مالك كثير مشتريه .
    عبد الله : صحيح بس مليت منه وحاب اغير صراحه وبعدين انا شفت جوال الفارس مع فهد وصراحه دخل مزاجي حيل .
    ماجد : والله زين شكلكم بتخلوني اشتري مثلكم والله بس مو الحين بعده جوالي جديد بستهلكه وبعدين ابدله !
    عبد الله : زين والله . حسن ماعليك امر عطني انا بعد جهاز الفارس .
    حسن : اوكي استاذ عبد الله تبغى معه أي كفرات او اكسوارات .
    عبد الله : لا شكرا اناعاجبني الكفر حقه مابي اغيره .
    حسن : طيب تبغى معه اضافات سماعت بلوتوث ذاكره اضافيه .
    عبد الله : صحيح ذكرتني اعطني اكبر ذاكره عندك .
    حسن : حاضر .
    عبد الله : وسماعه بلوتوث بعد .
    حسن : اوكي .
    ماجد : زين هي خاربه خاربه وانا بعد حسن جيب لي سماعه بلوتوث واحده .
    عبد الله : ماتبغى تشتري لنفسك بعد؟؟ !!!
    ماجد : لا انا عندي شريتها مع الجهاز اللي معي .
    عبد الله : اها زين والله .
    حسن : تفضل استاذ ماجد هذا طلبك بس بقى الكفرات بجيبها لك وانت تختار على ذوقك تفضل هذه هي !!
    ماجد : وااااااااااااو كشخه والله حركات عاد البنات ينهبلون على هذه الحركات .
    عبد الله : ايوه والله انا كل مااشوف جهاز ريم القى كل مره شكله وطبعات وحركات .
    ماجد : وربي البنات ريقات .
    عبد الله : ايوه وذوووووووووق وربي .
    ماجد : احلللللللللى اشوف قمت تمدح فيهم على اساس هم اعدائك .
    عبد الله : خخخخخخخخخخخخخ ومين قال لك كذا ؟؟
    ماجد : تصرفاتك تقول !!
    عبد الله : أبو المجد واللي يرحم والدينك فكنا من مناقرتك .
    ماجد : لامن جد تعال اشوفك كل ماجبت موضوع البنات تهربت .
    عبد الله : الله يفضح عدوك اقول ترانا بالسوق والناس قامت تط**** تم التعديل من قبل Adminا .
    ماجد : زين وربي انت يبيلك جلسه .
    عبد الله : يصير خير .
    ماجد : ايوه يصير خير بنتفك من كثر التحقيق معك خخخخخخخخ.
    عبد الله : اقول يالمرجوج اختار الكفرات خلينا نتيسر .
    ماجد : زين .
    وبداء ماجد يختار وعبد الله يشير عليه بذوقه وفعلا اختاروا اكسوارات روعه للجوال .
    حسن : توصوا شيء ثاني يااساتذه .
    ماجد : لا مشكور حسن يعطيك العافيه كم الحساب .
    حسن : مع الضمان والكفرات والاكسورات 2300 وهذه الفاتوره .
    ماجد : الله يعيناعليك ياوفاء ضيعتي علي ربع راتبي خخخخخخخخ لعيونك .
    عبد الله : خخخخخخخخخخخخ يلا تعيش وتصرف وتجيب لهم وان شاءا لله عقبال ماتصرف على المدام خخخخخخخخ.
    ماجد: هههههههههههههههههههههههه ان شاء الله من فمك تستجاب .
    عبد الله : احلىىىىىىىىى والله انت اللي يبيلك تحقيق .
    ماجد: هههههههههههههههههه لا انت ولا تصرف .
    عبد الله : الحين انا اللي اصرف اقول ادفع حساب الرجال بس .
    ماجد : تفضل ياحسن ومشكور .
    حسن : اهلا وسهلا فيك باي وقت شرفتنا .
    عبد الله: وانا حسن كم حسابي ؟.
    حسن : 2180 ريال .
    عبد الله : زين مشكور تفضل .
    حسن : شكرا واتمنى تشرفونا دائما .
    عبد الله : ان شاء الله .
    ماجد : ها مشينا ا .
    عبد الله : سرينا .

    وبهذه الاحداث يتوقف الجزء السابع وتابعوا معنا الاجزاء البقيه اللي بيكون فيها احداث كثيره مشوقه.


    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    رد: قصة يابدايات المحبة يانهايات الوله (قصة سعودية رومانسيه من أرض الواقع ) الجزئ7

    مُساهمة من طرف ALSFAH في الإثنين يوليو 16, 2012 10:35 am

    وين الردود؟؟


    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ

      الوقت/التاريخ الآن هو الثلاثاء نوفمبر 21, 2017 1:24 am