منتدى حرب التتار

السلآم عليكم ورحمة الله وبركاته ،،، وبعد ..

عزيزنا الزآئر نرجو منك التسجيل بالمنتدى ،،،

شكرًا ،،

اي مشآكل تواجهك تفضل بمراسلة صآحب الموقع على الايميل التآلي ~:-

Aalwaleed-@hotmail.com

مع تمنياتنا لكم بالتوفيق :: فريق ادآرة المنتدى ..~/

منتدى حرب التتار يرحب بگم ، منتدى لكل الاعمار والفئات لاتذهب قبل ان تتأكد

مهم للاعضآء الذين لم تصلهم رسآئل التفعيل والزوار الذين يريدون التسجيل. تفعيل الاعضاء يوميا

المواضيع الأخيرة

» طريقة لزيادة عدد الجنووود في السيرفرات السريعة بس
الثلاثاء أغسطس 25, 2015 6:50 pm من طرف n1200

» ثغرة جديدة
الثلاثاء أغسطس 25, 2015 6:48 pm من طرف n1200

» شرح ثغرة v2v
الخميس أغسطس 20, 2015 6:58 pm من طرف جالدك

» سكربت ترافيان كلاسيك بس على حرب التتار
السبت يوليو 25, 2015 2:58 am من طرف العقرب

» إلحقوووووووووو
الجمعة يوليو 17, 2015 1:31 am من طرف hammou999

» سيرفر حلوووووووووو
الجمعة يوليو 17, 2015 1:30 am من طرف hammou999

» سيرفر حلوووووووووو
الجمعة يوليو 17, 2015 1:28 am من طرف hammou999

» http://mtatar.com/ts8/register.php?ref=136
الأحد أبريل 26, 2015 5:43 am من طرف alhooo7k

» http://trvianz.com/tx4/register.php?ref=7
الثلاثاء أبريل 21, 2015 11:29 pm من طرف alhooo7k

» http://mtatar.com/ts7/register.php?ref=78
الإثنين أبريل 20, 2015 6:24 am من طرف alhooo7k


    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ6

    شاطر
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    قصة يابدايات المحبة يانهايات الوله (قصة سعودية رومانسيه من أرض الواقع ) الجزئ6

    مُساهمة من طرف ALSFAH في الإثنين يوليو 16, 2012 9:54 am

    السلام عليكم ورحمه الله وبركاته
    الجزء السادس

    مثل ماعرفنا في الاجزاء الماضيه الاحداث المهمه اللي صارت في بيت ابو سلطان
    وبيت ابو ناصر وأرتباط ساره وناصر بأقدس عقد وهو عقد الزواج المتوج
    بالمحبه بعد ملكه ساره باثلاث اسابيع كانت ساره فيها ماتفارق ناصر تقريبا
    الا وقت النوم كان يتصل عليها باستمرار ويسال عنها وينتظر رسائلها واتصالها
    وينتظر الزياره لبيتها وكان يخرج هو وساره وعبدالله يختاروا الاثاث لبيت
    الزوجيه كانت احوال ساره كلها تمشي بشكل ممتاز وبفرح وسعاده غامرتها وناصر
    نفس الشيء هذا بالنسبه لساره وناصر ام الان نعود لريم وايش التغيرات اللي
    طراءت عليها مؤخرا ريم بعد ملكه ساره باسبوع كانت تحس بفرح لكن هذا الشعور
    بدا يتحول تدريجيها من ملل الى افتقاد ساره وساعات السهر معها والجلوس حتى
    انه احيانا وصل لمرحله الغيره من ناصر على ساره لانه حتى الوقت البسيط اللي
    كانت تشوف فيه ساره كانت ساره ماتبطل كلام عن ناصر وعن ايش اتفقت معه وايش
    صار بينهم وريم كانت دائما تستمع لساره باهتمام لانها ماتبغى تزعل اختها
    اللي تحبها جدا لكن يوم بعد يوم بداء هذا الصبر ينفذ وفي يوم من الايام كان
    ناصر عند ساره بزياره له معهوده وريم بالصاله جالسه تتصفح مجلات وتشرب شاي
    وهي متضايقه مره وخصوصا ان الاجازه هذه مارح يكون فيها سفر الا بعد زواج
    ساره لانه لازم تتكمل فيها التجهيزات يعني بعد شهر واسبوع كمان فبدا الممل
    جدا يسيطر على ريم اللي كانت دوم متعوده على الخروج والتنزه مع ساره او حتى
    مع البنات عمها اللي انشغلوا هم بعد بتجهيزات لفرح ساره وناصر دخلت ام
    سلطان على بنتها ريم وهي بالصاله

    احس باهتك نبره .....وحزن وشي مااعرفه

    واشوف من نظرتك عبره ...ظوت بالحيل مختلفه

    عسىماجيت في وقت لغيري......وعسىماجيت لك صدفه

    حنيني غصب يدفعني وياخذني الوله يمك

    وابدمااظن تمنعني مسافات الظماعنك

    تراك انت الوحيداللي بقالي وهمي ليتني همك

    ترىماجابني الاانت وشوقي يااقرب الخلان

    اناوالله ابدماخنت ولافكرت بالنسيان



    أم سلطان : ياريم يابنيتي شفيكي جالسه لحالك ؟؟
    ريم : يعني بجلس مع من يمه انتي مشغوله دائما وعبد الله بالصباح بالعمل
    والعصر نايم وبالليل مع اولاده في الاستراحه وابويا دائما مشغول بعمله
    ومتابعه الاسهم والسوق وغيره وساره اللي كنت دوم معها خلاص استغنت عني
    وماعادة تحتاجني .>>>>>وقالت الجزء الاخير من كلامها بضيق
    كبير
    لان ريم طول عمرها متعوده على انشغال عبد الله وامها وابوها وسلطان ببيته اما ساره فكانت ماتفارقها الا وقت النوم فحست بفراغ كبير.
    أم سلطان : ريم يابنيتي بسم الله عليكي انتي تعرفي ان اختك مااستغنت عنك
    ولاشيء بالع**** تم التعديل من قبل Adminبس يابنتي اختك ماعاده مثل اول اختك الان مسؤوله ومحكومه
    بزوج ولازم ترعاه وتهتم فيه .
    ريم (بضيق ) :يمه أي مسؤوليه أي خرابيط بعدها ماراحت بيته هي لازالت عايشه
    عندنا يعني لازم تحس فينا اللي عايشين معها ماعندها الا ناصر طول الوقت
    ناصر ناصر سوا ناصر عمل ناصر راح ناصر قال واحنا يمه وين احنا في حياتها
    مالنا حق كل هذا وتقولي يمه انها مااستغنت عنا .
    أم سلطان : يابنيتي انتي ماتعرفين الحياه الزوجيه كيف وماتعرفين انه لازم
    تهتم بزوجها وهي مااهملتنا لكن انشغلت عنا بشيء مهم بحياتها وهو ناصر ومن
    حقها هذا الشيء.
    ريم ( وانفجر الغضب اللي فيها وماعادة تتحمل كتمه ) : يمه ايش اللي تقولينه
    هو صدق زوجها ولازم تراعي بس بعد لازم تراعي اهلها اللي عاشت معهم كل هذه
    المده واللي لو صار شيء لها بيوم من الايام وظلمها زوجها ولا اذاها بيكون
    اهلها هم ملجاءهم الوحيد وبعيد هي متعجله على ايش كلها شهر واسبوع وبتصير
    معه يعني المفروض تراعي مشاعرنا احنا وتحاول تكون معنا مو كذا تنسانا
    وبعدين يمه على ظنك مانستنا الا نستنا وماعدنا نهمها اذا وهي معنا بعدها
    ماسكنت بيته وماجمعها بيت واحد معه صارت شبه ناسيتنا كيف تبغيها يكون حالها
    بعد ماتتزوج وتصير تحت امرته فعلا .
    أم سلطان ( وهي مفزوعه من الكلام اللي رمته ريم كانه رصاص ) :ريم يابنيتي
    ايش الكلام هذا استغفري ربك ريم انتي اعصابك مره متوتره وكلامك هذا كله غلط
    .
    ريم : غلط أي غلط يمه يمه استفيقي يمه انت تغالطين نفسك شيء تشوفينه بعينك وتقولين مو صح .
    أم سلطان : يابنيتي هذا واجبهاو انا مارح الومها على واجبها وانتي ماراح تقدري هذا الشيء الا لو صرتي مكانها.
    ريم : أعوذ بالله مااابغى اصير مكانها تبيني اصير مكانها علشان انساكم
    وابيع اهلي بانسان مااعرفه الا بس من كلام اللي حوله حتى لو كنت احبه وانا
    واثقه من حب ساره لناصر مااستبدله باهلي.
    أم سلطان ( وهي مرعوبه من الحال تفكير ريم اللي وصل لهذا الحد ): ريم يابنيتي انتي تغارين من اختك لانها تزوجت وانتي بعدك ؟؟؟
    ريم (وكان استنتاج امها صدمها ) : يمه ايش تقولين انتي تعرفين ان الزواج
    مايهمني وانا مارح اغار من ساره لانها اختي واحبها بس يمه قدري شعوري يمه
    ليه انتي ماتحسين باللي احس فيه انا احب ساره يمه واتمنى لها السعاده وكنت
    اتمنى زواجها من ناصر مايغيرناعن بعض لكن للاسف ارتباط ساره بناصر سواء شرخ
    كبير بيني وبين ساره وصرت اتمنى انها ياليتها ماارتبطت فيه.
    أم سلطان : لايابنتي ماصار شرخ ولاشيء استغفري ربك واهدي .
    وبهذه اللحظه يرن جرس الباب وتفتح الخادمه ويكون **** تم التعديل من قبل Adminود وسلطان عند الباب .
    أم سلطان : هلا ببعد قلبي هلا بولدي وسندي هلا بالغاليه بنت الغاليه **** تم التعديل من قبل Adminود الله يحيكم نورتونا والله.
    ام سلطان : هلا يمه ؟(ويبوس راسم أمه ) النور نورك يمه ياعساني مااخلا .
    **** تم التعديل من قبل Adminود : هلا خالتي تسلمين ياخاله الله يحفظكي لنا .
    سلطان : هلا ريم كيف فيلسوفه بيتنا ؟؟؟
    ريم ( ترد ولازالت متوتره من الكلام اللي صار بينها وبين امها) : هلا سلطان حياك نورتونا كيفك **** تم التعديل من قبل Adminود ؟
    **** تم التعديل من قبل Adminود : تمام الحمد لله بخير.
    سلطان : عسى دوم ياوخيتي .
    ريم : عن اذنكم انا تعبانه بروح غرفتي اشوفكم على العشاء.
    سلطان : وين بدري يعني انا لي فتره ماشفتك يوم اجيكم تروحين غرفتك وتتركينا.؟؟؟
    ريم : لا عيوني خيو بس انا تعبانه شوي واببغى ارتاح شوي بعد العشاء بسهر معكم ان شاء الله.
    **** تم التعديل من قبل Adminود : سلامتك ريم ماتشوفين شر فيكي شيء ؟؟
    ريم (تناظر بامها وترجع تناظر بسلطان و**** تم التعديل من قبل Adminود واللي ارتسمت على وجوهم علامه
    استغراب من تصرف ريم اللي كانت دوم تضحك وتمرح وتمازحهم دائما ) : لا
    واكتفت بهذا الجواب وطلعت قبل تسمح لاي سؤال اخر يوصلها وتضطر تجاوب عليه .
    سلطان : يمه ريم فيها شيء ؟؟؟
    أم سلطان : ادعي لها الله يهديها ياولدي والله مادري وش بدل حالها من اسبوع وهي كذا !!
    **** تم التعديل من قبل Adminود : وماعرفتي ياخاله وش السبب ؟؟
    أم سلطان : يابنيتي ريم بداءت تفتقد ساره وتواجدها معها وبداءت تغار من
    تواجد ناصر بحياه ساره وانتوا تعرفوا ريم وساره من صغرهم مثل التوائم
    مايفترقوا.
    سلطان : يمه الله يهديكم تتركوا ريم بهذه الحاله من اسبوع اكيد انها بتنفجر من الضغوط النفسيه عليها !
    ام سلطان : ياولدي وش اسوي مابليد حيله !
    سلطان : يمه ليه ماتقنعوها تخرج او تروح ليه ماتخلوا عبد الله يمشيها ؟؟
    أم سلطان : ياولدي تعبت معها هذا حالها مثل ماتشوفون عازله نفسها ومانشوفها
    الا على الاكل ومو دوم بعد يعني تمضي ايام مانجتمع فيها الا بالصدفه.
    **** تم التعديل من قبل Adminود : لهدرجه ماثر بعد ريم عن ساره بهذا الشكل ؟؟
    سلطان : **** تم التعديل من قبل Adminود انتي تدرين ان ساره وريم دائما متعلقين ببعض ويحسوا ببعض وتواجد ناصر بحياه ساره اشغلها وهذا سبب تبدل ريم .
    **** تم التعديل من قبل Adminود : طيب ياخاله اطلع اكلمها .
    أم سلطان : والله يابنيتي عجزت كلام معها قبل تجون كلمتها ولا في فائده.
    **** تم التعديل من قبل Adminود : والحل ياخاله مو معقول بيستمر الحال كذا .
    سلطان : وين ساره يمه ؟؟
    أم سلطان : والله ياولدي معها ناصر بره بالمجلس.
    سلطان : زين يمه انا بروح اسلم على ناصر وساره وارجع اقول لكم الحل.
    أم سلطان : الله يحفظك يارب ياولدي روح الله يسهل لك.
    ويروح سلطان يسلم على ساره وناصر ويجلس معهم شوي ويمازحهم ويتكلم مع ناصر
    ويدله على احسن المحلات اللي تبيع اثاث راقي وممتاز وبعدها يرجع لامه
    وللعنود ويلقى ابوه جاء من بره
    سلطان : هلا والله يبه يارب لايحرمني من شوفتك.
    أبو سلطان : هلا والله بسندي ياهلا بولدي الغالي .
    سلطان ( ويبوس راس ابوه ) : كيف الحال يبه؟
    أبو سلطان : بخير الله يسلمك .
    سلطان : يبه ابي اقترح عليك اقتراح !!!
    أبو سلطان : يالبيه ياولدي هلا قو ماعندك ؟؟
    سلطان : يبه ليه ماتروحون انت وامي والبنات وعبد الله الشرقيه تغيرون جو
    الرياض كم يوم وتروحون هناك للبحر تستانسوا وبعد زمان عنكم مارحتوا الشرقيه
    من اخر مره زرنا فيها عمتي سلمى !
    أبو سلطان : بس ياولدي حنا مخططين انه نسافر بعد زواج ساره لان تدري ساره مشغوله مع ناصر بالتجهيز!
    سلطان : يبه هذه السفر بتكون لاسبوعين تغيروا جو وترتاحوا شوي وتغيروا
    نفسياتكم وبعد زواج ساره تقدروا تسافروا مصر او ماليزيا او تركيا مثل ماهو
    متفق انت وبيت عمي ابو ناصر وبعدين يبه بالنسبه للتجهيز انا اعرف اسواق
    الشرقيه الدمام والخبر كلها وعبد الله بعد وانقدر انزل ساره تشتري من هنا ك
    وتجهز وناصر انا بجيب له الكتلوجات بخليه يختار منهاو بجيب نفس الكاتلوج
    لساره علشان تختار منه الاثاث يعني مارح يكون شيء وشغلك يبه بالشركه ماشيء
    تمام واسبوعين تقدر تتابعها معه بالتلفون يعني يبه مو مشكله لازم تغيرون جو
    شوي وعلشان ريم بعد نجحت ولا اهتمينا بنجاحها وانشغلنا بملكه ساره
    ونسيناها ومن حقها اننا نفرحها شوي وانت تدري ريم تحب الشرقيه حيل .
    أبو سلطان : أقنعتني والله ياولدي خلاص على بركه الله بكره برتب اموري ويوم
    الخميس ان شاء الله ننطلق للشرقيه وانت بتجي معنا انت و**** تم التعديل من قبل Adminود .
    سلطان : ايه يبه بجي اوصلكم وارجع وماعليكم انا باجر لكم احسن فله وافخمها
    ووممتازه انا زملائي كثار هناك ومعارفي بالشرقيه يعني لاتشيل هم أي شيء.
    أبو سلطان : على خيره الله اتفقنا .
    أم سلطان : زين يابعدي انا بروح احط العشاء .
    **** تم التعديل من قبل Adminود (بفرح ) : ومتى بنبلغ ريم بالخبر هذا ؟؟
    سلطان : على العشاء خلي نفسها تنفتح الفيلسوفه ههههههههههههههههههه.
    أبو سلطان + أم سلطان + **** تم التعديل من قبل Adminود : هههههههههههههههههههههههههههههه






    كان هذا الحوار يدور وريم
    بغرفتها طفشانه وملانه وتقلب بالقنوات لين صارت الساعه 10 موعد العشاء
    وتجهزت انها تنزل للعشاء وحاولت تهدي من اعصابها المتوتره وريم للان ماتدري
    ايش اللي بيصيرولا ايش الاتفاق اللي اتفقوا عليه اهلها وقبل ماتنزل ريم
    عند اهلها قررت تتصل وتسال وفاء عن احوالها من زمان عنها من يوم ملكه ساره
    وماعادت تسمع اخباره ولا كلمتها بسبب الحاله النفسيه اللي مرت فيها ريم ولا
    عادت تشوفها على النت فقررت تتصل عليها وتسال وبالفعل مسكت جوالها واتصلت
    على بيت وفاء اول شيء وانتظرت الدقه الاولى والثانيه والثالثه وكانت بتقفل
    وشوي رد التلفون
    ريم : السلام عليكم ورحمه الله وبركاته . وانتظرت شوي الرد توقعت ان اللي
    بيرد بيكون ام وفاء او وفاء او حتى شغالتهم لكن تفاجاءت يوم سمعت صوت رجال
    وريم
    ماجد : وعليكم السلام ورحمه الله وبركاته نعم ؟؟
    ريم : لو سمحت ممكن اكل وفاء ؟!
    ماجد : عفوا بس وفاء الحين مو موجوده هي خرجت عند المشغل مين اقول لها اذا رجعت؟؟ (وكان ماجد شاك بالصوت )
    ريم: مو مشكله انا بكلمها على الجوال شكرا
    ماجد : عفوا ياهلا .
    وقفلت ريم الخط وتمنت انها مااتصلت
    ريم : هذه البنت بس تفرفر ماتجلس بالبيت مالت عليها بتصل عليها جوال اهزاءها.
    وتطلع رقم وفاء وتتصل
    (في المشغل في هذا الوقت )

    وفاء: طيب ماريتا هذا لازم في ضبط شوي لانه زواج بقى له شهر واسبوع لازم خلص بدري.
    ماريتا : وفاء انا في افهم بس هو في هنا**** تم التعديل من قبل Adminط شويه انا في افهم انتي موديل مره صعب .
    وفاء : أي صعب أي خرابيط ماريتا دوم اخيط موديلات اصعب وانتي تضبطيها هذا قماش غالي ماريتا لازم انتي تضبطي زين.
    ماريتا : اوكي وفاء دونت وري انا في سوي انتي كمان في اسبوع واحد كله تمام ان شاء الله مافي تمام انتي في رجعه انا في**** تم التعديل من قبل Adminط.
    وفاء : اوكي . وشوي يدق جوال وفاء
    زهر الربيع يتصل بك ...
    وفاء: هلا هلا وغلا والله يالله حي الصوت
    ريم : هلا وغلا فيكي اكثر واكثر مالت عليكي يابنت انتي ماتقرين بالبيت السلام عليكم ورحمه الله وبركاته.
    وفاء: ههههههههههههههههههههههههه وعليكم السلام ورحمه الله وبركاته بعد ايش السلام بعد التهزيْ
    ريم : بالله وفاء مو رايقه لك ولتريقتك اليوم !!
    وفاء: مو رايقه لي أجل ليه اتصلتي يلا قفلي ولما تروقي كلميني.
    ريم : وربي الشره مو عليكي الشره على اللي متصله عليكي يلا باي.
    وفاء: هي بنت لحظه شفيكي صدقتي اعوذ بالله كانك بنزين ورميت عليه عود كبريت بتشبين في شفيكي ريومه مو عادتك .
    ريم : والله متضايقه مره وفاء مره متضايقه واشتقت لكي قلت اكلمك .
    وفاء: تشتاق لكي العافيه عيوني انا عارفه والله اني مقصره عيوني اقول قلبي انا برجع البيت شوي اكلمك.
    ريم : لا خلاص انا بروح انزل اتعشى بعد شوي .
    وفاء : طيب اعزمي علي قولي تفضلي .
    ريم : ههههههههههههههههههههههههه الله يرجك ضحكتيني ومالي نفس طبعا الله يحيك باي وقت .
    وفاء: ياقلبي والله اقول عيوني شرايك اليوم نلتقي على النت .
    ريم : أوكي مو مشكله.
    وفاء: طيب وبعرفك على بنت مره كول تعرفت عليها بالمنتدى طيوبه وحبوبه وساكنه بعد بالشرقيه .
    ريم : أوكي على خير ان شاء الله على 12 اوكي .
    وفاء : أوكي وان شاء الله شهد تكون موجوده.
    ريم : ان شاء الله يلا وفاء توصلين بالسلامه سي يو.
    وفاء: سي يو.

    في هذا الوقت ( في بيت ابو ماجد بعد ماقفل ماجد من ريم )
    هو بيدي يعني انسى
    ولابكيفي ابعد عنك
    هذا الحب وكل شيء يضمره
    اكبر مني واكبر منك
    صدقني كل شيء فيك يدينا
    لو حد ينسيك ينسينا
    آه ياحبيبي
    ياحبيبي مو باختياري
    انني أهواك
    اطلب أي شيء
    مني أي شيء
    الا اني انساك
    الحب هذا خير
    اللي يبيه يصير
    كل مابامره نصير
    مو بايدانا ياحبيبي
    قلبي دايب ياهواي
    يعشقك باحساس
    تدري انت عنده
    انت دنيته والناس
    بس قلي كيف انساك
    عمري وروحي معاك
    مهما تغيب القاك
    ماني قادر ياحبيبي


    ماجد : هذه مين وليش مارضيت تقول مين هي !
    وجلس يفكر ماجد هذا الصوت لايمكن يغلط فيه هذا صوت ريم اللي لخبطت حياته من
    يوم شافها يوم ملكه ساره بس ليش مارضيت تقول مين هي ؟ هل هي عرفت انه هو
    ماجد ولا استحت والغريب انها ماتكلمت مع وفاء بالموضوع ولا حاولت تسال مين
    اللي قابلته بالمجلس يعني هي نسيت الموضوع ومااهتمت ولا قالت لوفاء ووفاء
    مااعطت اهتمام للموضوع وليش انا مهتم ومو قادر اضيع الموضوع من راسي هذا
    الموقف اللي صار لخبط حياتي وغيرها كلها وحتى تفكيري وهي ماهمها ولا فكرت
    ولا حاولت حتى تسال مين الشخص هذا ( وجلس ماجد يفكر بهذا الشيء وبافكار
    كثيره ومو قادر ينسى الموقف اللي من يوم وصار وكل يوم يتكرر بمخيلته بكل
    تفاصيله واحداثه وردت فعل ريم كل شيء )
    ماجد : يالله انت عالم بحالي كيف كان وكيف صار فيارب ان كان بالموضوع هذا خير فيسره لي وان كان شر فاصرفه عني .
    واستغفر ربه وقام يقضي مشاويره.
    (في بيت أبو ناصر )
    بالتحديد في غرفه السفره جالسين يتناولوا وجبه العشاءسلوى: شهود ماتلاحظين شيء على ريم ؟
    شهد : ام بلا صايره متغيره حيل ومنعزله حتى انا ماعادت تكلمني مثل اول ويوم نزورهم بالبيت تجلس ساكته ريم مو ريم الاولى.
    سلوى: تتوقعين ليش ؟
    شهد : مادري والله بس ريم ماتتغير كذا ولا ينقلب حالها 180 درجه الا لشيء قوي.
    أم ناصر: ماتدرون يمكن عندها مشكله ويمكن الع**** تم التعديل من قبل Adminيمكن مفتقده ساره لانها بتروح عنها.
    سلوى : صادقه يمه تدرين ريم وساره مايفترقون من يوم هم صغار.
    شهد : صحيح يمه بنروح انا وسلوى عند المشغل بكره نبي نشوف وش سوت في
    فساتينا وبعدها بنزل انا وسلوى نشتري جزم تكرمون اكسورات وادوات زين يمه.
    أم ناصر: زين يابنيتي.
    أبو ناصر : مين بيوصلكم ؟
    سلوى: ومين غيره قيس بن ملوح
    شهد + أم ناصر + ابو ناصر:ههههههههههههههههههههههههههههههههههههههههه
    أبو ناصر: والله لو هو هنا وسمعك بيقص لسانك!
    سلوى : يقص لساني حق شنو يبه انا ماقلت شيء غلط يروح للبنت من بعد صلاه العشاء ويغثها لين الساعه 2 ونص ويرجع .
    شهد: هههههههههههههههههههههههه شفيكي خلي قيس يتغزل بديار ليلي ههههههههههههههههههههه
    أم ناصر: الله يقطع سواليفك يابنات كلي انتي وهي بس وعن الكلام الفاضي .
    شهد : ههههههههههههههههه انزين يمه سكتنا.
    سلوى: عادي يمه مافيها شيء خليكي اكثر دموقراطيه
    أم ناصر: تكفون يالمتعلمه انتي وهي فكونا من كلامكم بس بكره نشوف لا ملكتم شبتسون بزواجكم .
    شهد: انا بخلي زوجي سبورت وفري على الاخير.
    أم ناصر: شنو تخربطين انتي وربي اللي بياخذك انا بدعي له ان الله يعينه.
    شهد:ههههههههههه حرام عليكي يمه ليه تقولين كذا انا بنت حبيبتك.
    أم ناصر: ايه وبنتي بعد المطلعه عيني ماخابت بن تأبو سلطان يوم سمتك بسبعين لسان.
    شهد:هههههههههههههه يالله على الاحراج كله من ريم الدبيه هين ريموه بس اشوفك.
    ابو ناصر : صدق ليه ماتزورونها .؟
    شهد : يبه والله كلنا انشغلنا بتحضيرات للزواج لكن خير ان شاء الله عموما انا اتوقع اني اشوفها اليوم على النت وان شاء الله خير .
    سلوى: زين ان شفتيها سلملي عليها كثير.
    شهد: يوصل .
    وكملت الاسره عشاءها على حديث عن الزواج والتحضيرات والسفرات بعد الزواج وغيره


















    (في بيت أبو سلطان)
    في المجلس بالتحديد

    إختلفنا ... من يحب الثاني اكثر

    واتفقنا ..إنى اكثر وانك اكثر

    من عدد رمل الصحاري ... من المطر اكثر واكثر

    كيف نخفي حبنا والشوق فاضح

    وفي ملامحنا من اللهفة ملامح

    عاشقين ونبضنا طفل حنون

    لو تزاعلنا يسامح .. الهوي شيٍ مقدر

    هنني ياللي جميعي لك هنا

    حطني بأخر مداي

    طيرك اللي مايبي غيرك انا

    ضمني انت فضاي

    صدق اني فيك مغرم فيك مغرم فيك

    والحياة وش الحياه الا مشاهد ناظريك

    يانهار لو تغيب الشمس واضح

    يمك دروبي وكل الناس يدروبي وانا أدري

    وكل قلب له حبيبه وانت محبوبي وتدري

    من عيونك .. صعب تسرقني سواليف البشر

    وانا النظر .. وانت فعيوني النظر

    الهيام اللي سكن فينا .. تعدانا وكبر

    مثل الشجر ولاينحني ولاينكسر
    صار مثل الريح جامح


    ناصر: ها سارونه شقلتي عيوني بهذا الطقم يعجبك ؟
    ساره : امممممممممم والله ياعيوني هو موديل بس انا حابه يكون سيمبل اكثر وعلى النظام الامريكي.
    ناصر : انا ماعندي مانع بس ياقلبي الطقم الامريكي بنخلي بغرفه الصاله اما
    الطقم هذا بنخليه لمجلس الرجال ومجلس الحريم اخترت له شكل ثاني شوفيه .
    ساره : الله ياقلبي وربي يجنن هذا اللون الفستقي مع الذهبي رائع مره.
    ناصر: انتي الرائعه .
    ساره : احم احم رائعه بس ؟!!
    ناصر: انت رائعه وخيال وحلم تحقق لي من زمان يابعد قلبي وروحي وحياتي انتي .
    ساره : ناصر صدق تحبني؟
    ناصر: وهل عندك شك في هذا ؟
    ساره : لا بس احب اسمعها منك .
    ناصر : انا مو بس احبك انا اعشقك اهواك واموت في الارض اللي تطاها رجليكي
    الحمد لله اللي اكرمني وجلعلني من نصيبك والله ياساره لو كنتي لغيري كنت
    بموت او يصير لي شيء.
    ساره : سلامتك يابعد عمري في اللي يكرهك ياقلبي ياناصر يابعد روحي والله.
    ناصر: ساره عيوني طلبتك قوليها .
    ساره : ايش اقول ؟
    ناصر: يعني ماتعرفين ايش ؟
    ساره : اطلب ولك عيوني.
    ناصر: قولي أحـــــبــــــــــك أبغى اسمعها من صوتك ابيها تزلزل كياني وتسكن بقلبي يابعدهم.
    ساره (بخجل واحنت راسها ومسكت طرف من فستانها واجلسه تلعب فيه ) : من غير
    ماقولها ناصر انت تدري فيها وتشعر من كلامي من همسي من شوقي لك وانتظاري .
    ناصر: ادري يابعد عمري بس تكفين تكفين ياساره قوليها ابي اسمعها منك من صوتك .
    ساره : (ساره ناظرت بناصر بكل الحب ) ناصر ياحبيبي أحـــــــبـــــــــــــك.
    ناصر : يابعد قلبي الله لايحرمني منك اجمل كلمه سمعتها اروع شعور اعيشه يوم
    تقوليها لي ياحبيبتي وأنا بعد أحبك واهواكي الله يتمم علينا ياقلبي . ومسك
    يدها وضمها لصدره
    وغنى لها اغنيه عبد المجيد (قول آمين عساك تحبني وتموت فيني قول آمين عسى
    ايدينك ماتفارق ايديني مثل ماشتاق انا لعينك أبيك تشتاق أنا لعيني عساك
    تحبني وتموت فيني) وساره تبتسم له بخجل وتطرب على صوته.
    نترك العاشقين ونروح لجزء ثاني من البيت هذا وبالتحديد لغرفه ريم.
    (في غرفه ريم )
    ماري تطق الباب على غرفه ريم
    ماري: مس ريم ماما قول في انزل علشان عشاء
    ريم : انزين ماري الحين بنزل.
    ريم بعد ماكلمت وفاء ارتاحت شوي وحست ان نفسيتها صارت احسن كثير من اول صدق
    من قال الصديق وقت الضيق وفاء بنت حبوبه وتحس بريم بسرعه صديقات من
    الطفوله اسرارهم مع بعض وكل وحده عمرها ماخبت عن الثانيه شيء وريم دائما
    كانت تلجاء لوفاء في اوقات كثيره بعد ساره وكانت ريم دائما تقول لها انا
    مادري ايش اعمل لو ماكنتي موجوده وترد عليها وفاء : بتسوي الصح ياريم لانك
    انسانه عاقله ومثقفه.
    رحت ريم لعند التسريحه وقررت ترسم ابتسامه على وجهها قبل تنزل يكفي انها
    ضيقت خلق امها واستقبلت اخوها سلطان وزوجته بطريقه مو لائقه ابدا فرتبت
    شعرها الكستنائي اللامع الطويل ولمته برباط انيق وتركت خصله منسدله على
    جبينها وكحلت عيونها بكحل خفيف وحطت عطر وطالعت بالمريا واستحسنت شكلها
    وابتسمت ريم ابتسمت لنفسها بعد اسابيع من الضيق والكدر وقررت انها تنزل
    الحين وتعتذر لامها واخوها وتحاول تنفض عن راسها الافكار السوداء بشاءن
    فراق ساره لان هذا الشيء هو نهايه كل بنت ولازم تتمنى له السعاده ونزلت ريم
    للصاله لقت اهلها متجميعن وكلهم يناظروها بعين ماعادا ساره طبعا اللي
    جالسه تتعشى مع ناصر بالمجلس وطالعت بكرسي ساره الفاضي وحست بضيق شوي لكن
    تقدمت وجلست مكانها .
    سلطان : حي الله هذا الوجه الصبوحي .
    ريم : حياك الله ياعيوني فديتك ياخوي كيفك ؟
    سلطان : بخير ياعيوني كيفك انتي ياغلاي ؟
    ريم : بخير ياقلبي عساك دوم سالم .
    **** تم التعديل من قبل Adminود : ياسلام ياعيني تتغازلون قدام بعض وانا وين رحت ها سلطون .
    سلطان : ههههههههههههههههههههه عنودي حبيبي تغارين من ريومه .
    **** تم التعديل من قبل Adminود : وليه مااغار منها ماشاء الله مثل القمر هي واخلاق وادب واختك بعد يعني قريبه منك وماتبيني اغار!!!
    سلطان : فديتك ياعيوني ان شاء الله .
    ريم (اتسعت ابتسامتها على كلام سلطان و**** تم التعديل من قبل Adminود ) : الله يحفظكم يارب ويديم عليكم ان شاء الله ولا يفرقكم ويرزقكم بالذريه الصالحه .
    سلطان : وياكي ياوخيتي .
    ريم : يبه كيفك فديتك ياغالي ؟
    ابو سلطان : بخير ياجعلني مااخلا يابنيتي كيفك انتي ماشاء الله اليو ماشوف صحتك بخير (ويبتسم لبنته ابتسامه حنونه ابويه )
    ريم : الله يحفظك يبه .
    ريم تطالع امها : يمه أنا آسفه على الكلام السخيف اللي قلته سامحيني يمه .
    أم سلطان : لا يابنيتي انا ادري انتي ليش تقولين كذا يابنيتي ادري انك
    تحبين اختك بس هذه سنه الحياه وبعدين يابنيتي بكره الله يرزقك بابن الحلال
    واشوفك ببيتك ملكه يابنيتي.
    ريم : في حياتك يمه تسلمين يابعد راسي.
    **** تم التعديل من قبل Adminود : ريومه نبيكي دوم كذا مبسوطه احنا تعودنا على ريم البنت الحبوبه النشيطه ماتعودنا على ريم الحزينه .
    ريم : تسلمين يارب .
    وشوي يدخل عبد الله عليهم وهو جاي من بره وعرف ان سلطان جاء لان السياره بره
    عبد الله (من بعيد وهو معطيهم ظهره ) : السلام عليكم ورحمه الله وبركاته .
    **** تم التعديل من قبل Adminود : وي عبد الله جاء انا بقوم !
    أم سلطان : اجلسي يابعدي ماعليكي هو مايجلس معنا الا نادرا .
    **** تم التعديل من قبل Adminود : لا ياخاله يمكن مشتهي يجلس معكم .
    سلطان : ماعليكي **** تم التعديل من قبل Adminود لحظه بس .
    ويوجه كلامه لعبد الله
    سلطان : وعليكم السلام ورحمه الله وبركاته ياهلا والله بابو عبد الرحمن فديتك ياغالي ابيك بكلمه دقيقه بجيبك .
    عبد الله : حياك ابو فيصل انا بروح اسلم على ناصر وساره وارد لك انتظرك بالمجلس .
    أم سلطان : تعشيت ياولدي ولا احط لك عشاء ؟
    عبد الله : لا يمه تسلمين انا متفق انا وماجد نطلع نتعشى وبمر عليه بعد شوي بس انا رجعت اخذ اغراض من هنا وبروح .
    أم سلطان : زين يابعدي الله يحفظك وخلي ماجد يسلم على أمه
    عبد الله : يوصل يمه .
    وراح للمجلس طق الباب قبل يدخل
    ساره : ادخل .
    عبد الله : السلام عليكم ورحمه الله وبركاته ياهلا والله بولد العم والنسيب حياك.
    ناصر وقام يسلم على عبد الله : ياهلا والله وعليكم السلا م ورحمه الله وبركاته عاش من شافك وين الناس ؟
    عبد الله : أنا اللي وين الناس ولا انت يامغرم صبابه ويطالع باخته ساره ويغمز وساره راح وجهها الوان .
    ناصر: هههههههههههههههه لا ياشيخ بطلعني انا الغلطان انا كل يوم هنا وبعدين انا بطلت اروح الاستراحه وانت عارف ليش .
    عبد الله : ايه طبعا من لقى احبابه نسي اصحابه ولا شرايك ياساره .
    ساره (بنفسها تقول ياررررررررربي وش هالعبد الله اللي شغال علي انواع الاحرجات قدام ناصر ) : وانتم ليش تبونه يروح معكم الاستراحه ؟
    عبد الله : الشباب والله يسالون عنه وبعدين يااختي اتركيه لنا شوي انتي بكره بتروحي بيته وتكوني معه اربع وعشرين ساعه خليه لنا شوي .
    ساره : ههههههههههههههه حامض على بوزك هذا هو قدام اساله لو يبي يروح او لا .
    عبد الله : اها اجل مسويه له شيء شكلك سحرتي .
    ساره : هههههههه سخيف والله انك سخيف .
    عبد الله : هههههههههههههههههههههههههههههه ادري بس احب استهبل عليكم يازينك سرونه وانتي معصبه ومحرجه .
    ساره : عبووووووووووووود بلا سماجه .
    عبد الله : ههههههههههههههههههههههههههههههههههههههههه عادي بي كوووووووول
    نصوري مو غريب علينا >>>>>>>> ونطق كلمه نصوري وهو
    يقلد صوت ساره .
    ساره ( وجهها الوان ) : والله انك خالع مالت .
    عبد الله : افا عليك نصور تشوف ساره تكفخ فيني وتذب بالكلام وانت ساكت وين النخوه ياخي ؟؟؟؟
    ناصر: ههههههههههههههههههه والله بكيفها هي تسوي فيك اللي تبيه ان شاء الله
    تقطعك بعدين هي زوجتي وحبيبتي وانت ولد عمي وغالي علي يعني انا لو تدخلت
    بينكم بكون انا الخسران .
    عبد الله : ماااااااااااالت على الكوسا بس جبتك اشد فيك ظهري اثرك خالع مره ياقيس هههههههههههههههه.
    ناصر: ههههههههههههه وجععععععععع اقول ماتبي تذلف وجهك بس ؟؟؟
    عبد الله : ليش بالله ايش تبغوا تقولوا علموني ؟ يمكن استفيد اذا ملكت ؟؟؟
    ناصر : باللهي تكفى بس اقول اخلع نفسك من هنا لاجي اخلعك .
    عبد الله : افا يابو فهد انا تقول عني كذا افاااااااااا قويه بحقي ههههههههههههههههههههههههه.
    ناصر: يلا عبود روقنا شوي وورينا عرض اكتافك .
    عبد الله : والله مادري كم عرضها للاسف ماقدر البي لك طلبك .
    ناصر :ياربي منك ياخي تعال بوريك عرض كتوفك بقيسها لك . ويمسك عبد الله من كتفه ويجره برى المجلس .
    وعبد الله : افا عليك ههههههههههههههههههه هين اوريك يادب اقول وخر بس انا بروح مالت عليك انت وهو بروح لسلطان يبيني هههههههههه.
    ناصر: زين اطلع يلا.
    عبد الله : يلا من جد وخلينا نشوفك والله من جد الشباب مشتاقين لك ياخي
    فيصل ملك وماانقطع عنا وانت لا من يوم ملكت وانت ناسينا الشله مفتقدتك .
    ناصر : ان شاء الله بكره بكون عندكم .
    عبد الله : زين انا بروح لسلطان هويبيني وبروح بعدها للستراحه .
    ناصر : زين وصل سلامي للشباب .
    عبد الله : يوصل يلا توصون شيء ومعليش على السماجه والاستهبال اللي سويته لكم .
    ناصر: لا حياك ولو ياغالي عزيز وغالي.
    عبد الله : تسلم يلا على قول ريم سي يو .
    ناصر: سي يو .









    ويرجع عبد الله ويروح يبدل ملابسه وينزل للمكتب يلقى سلطان منتظره
    سلطان : هلا ابو عبد الرحمن حياك . ويسلم عليه .
    عبد الله : ياهلا والله بابو فيصل كيف الحال ياغالي .
    سلطان : تمام الحال يسرك والله .
    عبد الله : ياعساه دوم ان شاء الله .
    سلطان : شوف عبود انا اتفقت انا وابوي انه يروح بعد بكره الشرقيه على اساس
    يتمشوا ويغيروا جو قبل زواج ساره علشان ريم بعد نفسيتها ماش هذه الايام
    ونبي نفك عنها فابيك ماتقصر مع ابوي لاني بوصلكم الشرقيه وبعدها برد هنا
    الرياض علشان اتابع عملي اوكي .
    عبد الله : ماطلبت شيء ياغالي من عيوني بس زين قلت لي على اساس ادبر اموري زين .
    سلطان : زين ياغالي انا الحين برد للصاله علشان ببلغ ريم مخلينها مفاجاءه لها توصي شيء ؟؟
    عبد الله : سلامتك اخوي يلا اشوفك على خير انا بعد بروح للشباب.
    سلطان : الله بحفظك سلملي على الشباب .
    عبد الله : والله هم يسالون عنك يقولوا كل ماتزوج واحد من شله الانس نساهم
    ههههههههههههه تدري علشان انت واول وبعد ين فيصل والحين ناصر .
    سلطان : ههههههههههههههه اوكي وصل سلامي لهم جيمعا وان شاء الله قريب نلتقي بالاستراحه ونجدد سهراتنا.
    عبد الله : على خير يلا اشوفك ان شاءا لله قريب .
    سلطان : ان شاء الله .
    وطلعوا ثنينهم وكل واحد على مكانه .
    (في الصاله )
    سلطان : ريم ببلغك شيء !
    ريم : هلا اخوي قول ؟
    سلطان : احنا قررنا اننا نسافر بعد بكره الشرقيه كهديه نجاح لك شرايك .
    ريم ومو مصدقه اللي يقوله اخوها : والله من جد أحلىىىىىىىىىىىى خبر سمعته
    والله يالله شكثر احب الشرقيه الله لايحرمني منكم احلى هديده والله .
    سلطان : ومو بس كذا بناجر فله على البحر وبنلفلك باسواق الشرقيه ونروح المنتزهات وكل مكان تبيه .
    ريم : يالله انا مو مصدقه يالهل الله يسعدكم ولا يحرمني منكم يااحلى اهل .
    أبو سلطان وهو فرحان من ابتسامت بنته وفرحتها : حنا كم ريم عندنا هي ريم وحده بس وغاليه مانقدر نزعلها .
    ريم وتقوم تبوس راس امها وابوها : الله لا يحرمني منكم يبه ويديمكم على راسي بالصحه والعافيه .
    الجميع : آمين .

    في سياره عبد الله
    مسك عبد الله الجوال واتصل على ماجد .
    ماجد : الوووووووووو.
    عبد الله : هلا ابو المجد السلام عليكم ورحمه الله وبركاته .
    ماجد : وعليكم السلام ورحمه الله وبركاته هلا عبد الله .
    عبد الله : شفيك باو المجد صوتك تعبان ؟
    ماجد واتنبه لنبرت صوته لاول مره : لا ياغالي مافيني شيء عساك سالم كيفك انت ؟
    عبد الله : تمام الله يسلمك ها بتروح اليوم الاستراحه ؟
    ماجد : والله مالي نفس !
    عبد الله : افااااااااا ليه مو اقول لك انك متغير علينا لك فتره شفيك ؟
    ماجد :لا ابد بس شوي مرهق من العمل تدري كيف عملنا حنا ارهاق بارهاق.
    عبد الله : طيب ياخي بكره اجازه وبعده خلينا نخرج ننفس عن نفسنا .
    ماجد : زين عبود وينك انت بالبيت ؟
    عبد الله : لا بالسياره وقربت من بيتكم يلا تجهز وانزل لي .
    ماجد : زين عبود خمس دقائق وانا عند الباب .
    عبد الله : اوكي .
    ويقفل عبد الله من ماجد وهو مستغرب ايش اللي قلب ماجد كذا صاير كثير يسرح
    ويفكر ويكون يكلمه يلقى مو مركز معه وبعالم ثاني قل طلوعه واتصاله وضحكه
    ايش اللي غيره .
    ويوم وقفت افكاره عند هنا وقفت السياره قدام بيت ابو ماجد وجلس ينتظر ماجد
    وتذكر في هذه اللحظه موقف مايدي ايش اللي جابه على بالله هذه اللحظه موقف
    يوم حفلت البنات يوم خرج من الباب يظن ماحد قدامه ولقى ريم اخته مع وحده من
    البنات بنت اقل مايقال عنها ملاك على الارض بنت رقيقه وجميله يعتقد انها
    وفاء اخت ماجد لان هي اللي وصلت بهذا الوقت وكان ماجد ينتظره صدق ان
    اخلاقهم ماتسمح له انه يطالع بالبنت كذا بس البنت هذه من لمحه وحده تركزت
    بمخيلته لانها كانت ملاك بنعومتها وفجاءه تنبه لنفسه وكيف يوصفها وحس
    بالخجل شوي كيف يفكر كذا باخت صديقه وبعدين هي بنت جيرانه وصديقت ريم فحاول
    ينفض هذا الموقف عن راسه واستغرب ايش اللي جابه براسه اصلا واخذ نفس عميق
    وشغل المسجل وجلس ينتظر ماجد .
    شوي طلع له ماجد وركب معه السياره
    ماجد : السلام عليكم ورحمه الله وبركاته هلا ابو عبد الرحمن .
    عبد الله : هلا ابو المجد حياك يلا مشينا .
    ماجد : على خير الله مشينا .
    وعبد الله وماجد ساكتين ماحد منهم يكلم الثاني ومضت ربع ساعه على السكوت
    هذا والصوت الوحيد هو صوت المسجل والسيارت من حولهم شوي عبد الله حاول يقطع
    السكون ويكسر حاجز الصمت .
    عبد الله : سلطان يسلم عليك كثير وناصر بعد .
    ماجد (وحس رغبه عبد الله انه يغير السكوت ) : والله الله يسلمهم واياك متى شفتهم ؟؟
    عبد الله : اليوم ناصر طبعا جاء عند ساره وسلطان اليوم جاي لنا زياره مع اهله !
    ماجد : اها ياحليلهم ليش بطلوا يجوا للاستراحه ؟
    عبد الله : تعرف ناصر طبعا هذا قيس ورايح يشعر ويبث اشواقه لساره وسلطان مع
    زوجته **** تم التعديل من قبل Adminود لانه حامل وخايف عليها ومكرس كل وقته مابين العمل وبينها بس
    وعدني انه يمرنا بكره الاستراحه .
    ماجد : زين والله اني مشتاق له ماشفته من يوم ملكت ناصر .
    عبد الله : ههههههههههههه فاتك اليوم انواع الاستهبال على ناصر .
    ماجد : هههههههههههههههههه ياويلك خربت الجو الرومانسي حقهم .
    عبد الله : ايه والله ساره شوي وتقتلني بنظراتها الناريه ههههههههههههههههه.
    ماجد: ههههههههههههههه ياحليلهم الله يوفقهم وعقبالك يارب .
    عبد الله : آمين وياك .
    ماجد : غرررررررررررررريب عبد الله انت تقول آمين .
    عبد الله (وتنبه لكلمته ) : هههههههههههههههه ابو المجد من جدك انت مافي
    احد يرفض الاستقرار بس لما يجي الوقت المانسب ياماجد يصير خير ان شاء الله .
    ماجد : صدقت .
    وساد السكوت بينهم مره ثانيه وكل واحد يسبح بافكاره ماجد اللي ماكان يخبي
    شيء عن عبد الله اضطر انه يخبي هذا السر كان سعيد شوي لانه احتفظ بالسر
    لنتفسه وبنفس الوقت حس بتانيب الضمير ماعمره خبا شيء عن عبد الله لانه كان
    دائما مستودع اسراره .
    عبد الله وقطع حاجز الصمت مره ثانيه
    عبد الله : وصلنا ابو المجد .
    ونزلوا الاثنين الاستراحه وعند هنا نوقف الجزء السادس وان شاء الله يكون
    عجبكم هذا الجزء واتمنى القى ارائكم فيه وانا بانتظارها وتابعوا معنا الجزء
    القادم حتى نعرف كيف دارت الاحداث والدنيا ايش سوت بابطال قصتنا وايش راح
    يصير بين ماجد وريم وساره وناصر وعبد الله والافكار الجديده اللي بداءت
    تنمو فيه وتجهيزات العروسين ومين بينظم لابطال قصتنا.وعسى الله يحقق احلام
    ابطال قصتنا جميعا .
















    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ
    avatar
    ALSFAH
    المشرف العآم
    المشرف العآم

    عدد المساهمات : 216
    نقاط : 2260
    السٌّمعَة : 2
    تاريخ التسجيل : 15/07/2012
    العمر : 19

    رد: قصة يابدايات المحبة يانهايات الوله (قصة سعودية رومانسيه من أرض الواقع ) الجزئ6

    مُساهمة من طرف ALSFAH في الإثنين يوليو 16, 2012 10:35 am

    وين الردود؟؟


    ______________ تـــوقــيـــعـ ـي ________
    منتداي

    [ندعوك للتسجيل في المنتدى أو التعريف بنفسك لمعاينة هذا الرابط]
    ــــــــــــــــــــــــــــــــــــــــــــــــــــــــــ
    قول معاي
    لا إله إلا الله
    عدد الزهر والثمر
    وعدد أنفاس البشر
    لا إله إلا الله
    عدد لمح العيون
    عدد ما كان وما يكون
    لا إله إلا الله
    عدد جري الرياح في البراري والصخور
    لا إله إلا الله من يومنا هذا
    إلى يوم ينفخ في الصور
    ـــــــــــــــــــــــــــــــــــــــــــــــــــــــــــــــــــــ
    خله شغال 24 ساعه
    [ندعوك للتسجيل في المنتدى أو التعريف بنفسك لمعاينة هذا الرابط]
    موضارك ولا بعد بينفعك باخرتك
    ــــــــــــــــــــــــــــــــــــــــــــــــــــــــــــــــــــــــ

      الوقت/التاريخ الآن هو الثلاثاء نوفمبر 21, 2017 1:27 am